جنوبی کشمیر میں قصبہ بجبہاڑہ کے کریوا کالونی میں اُس وقت کہرام مچ گیا جب ایک مقامی خاتون اور اسکی بیٹی کو انکے گھر میں بے ہوش پایا گیا۔
مقامی باشندوں نے ماں بیٹی کو بے ہوشی کی حالت میں اسپتال منتقل کیا گیا تھا، جہاں ڈاکٹروں نے 37 سالہ مسعودہ اختر کو مردہ قرار دے دیا، جبکہ اُنکی دختر کو وقت پر اسپتال پہنچانے کے سبب بچا لیا گیا۔
فوت ہوئی خاتون کی دختر کو علاج و معالے کے بعد اسپتال سے رخصت کر دیا گیا۔
اس سلسلے میں میڈیکل سپرنٹنڈنٹ، سب ڈسٹرکٹ اسپتال بجبہاڈہ، ڈاکٹر بی ایس تلہ نے بتایا کہ مذکورہ خاتون کو اسپتال مردہ حالت میں ہی لایا گیا تھا۔ انہوں نے کہا کہ خاتون کی موت دم گھٹ جانے سے ہوئی ہے۔
فوت ہونے والی خاتون کی شناخت مرحوم عبدالرشید دھوبی کی اہلیہ مسعودہ اختر ساکنہ کریوا کالونی بجبہاڈہ کے طور پر ہوئی ہے۔
