بصیر خان نے اننت ناگ کا دورہ کیا

لیفٹیننٹ گورنر کے مشیر بصیر احمد خان نے اننت ناگ کا دورہ کرکے مختلف تعمیراتی کاموں کا جائز ہ لیا۔

اننت ناگ دورے کے دوران مشیر نے ضلع میں چل رہے تعمیراتی کاموں کا از خود جائزہ لے کر ایجنسیوں کو مختلف پروجیکٹوں پر جاری کام کی رفتار میں سرعت لانے کی ہدایت دی۔ انہوں نے افسران کو تعمیراتی کاموں کی متواتر نگرانی کرنے کی ہدایت دی۔ اُن کے ہمراہ متعلقہ محکموں کے دیگر افسران بھی تھے۔

متعلقہ افسران نے مشیر کو ضلع میں چل رہے تعمیراتی کاموں کی مفصل جانکاری فراہم کی۔ مشیر نے افسران کو تعمیراتی کاموں کو مکمل کرانے میں سرعت لانے کی ہدایات دی۔اسکے علاوہ مشیر کئ تعمیراتی کا جائزہ لینے کے بعد عوامی وفود سے بھی ملے اور لوگوں نے انہیں اپنے مسائل سے آگاہ کیا اس دوران مشیر نے عوامی مسائل کو بغور سنا اور افسران کو ہدایات دی کہ عوامی مسائل کا ازالہ کرنے کے لئے جلد از جلد اقدامات اٹھائیں۔

مشیر بصیر خان نے اننت ناگ اور بیجبہاڑہ میں قائم فروٹ منڈیوں کا دورہ بھی کیا اور فروٹ سے وابستہ تاجروں سے ملاقات کی اس بیچ بٹنگو اننت میں قائم فروٹ منڈی کے تاجروں نے انہیں اپنے مشکلات سے آگاہ کیا۔

جبلی پورہ بیجبہاڑہ میں قائم فروٹ منڈی کے تعمیراتی کام میں سرعت لانے کے لئے انہوں نے متعلقہ افسران پر زور دیا اس دوران ضلع مجسٹریٹ اننت ناگ کے کے سدھا ۔ایس پی اننت ناگ کے علاوہ دیگر اعلی افسران بھی ان کے ہمراہ تھے۔