منی پور کے وزیراعلیٰ این بیرن سنگھ نے کہا کہ ریاستی حکومت منی پور پولیس میں اولمپک سلور میڈلسٹ میرابائی چانو کو ایڈیشنل سپرنٹنڈنٹ آف پولیس (اسپورٹس) مقرر کرے گی۔
اس سے قبل منی پور حکومت نے اولمپک میڈل جیتنے کی خوشی میں میرابائی چانو کو ایک کروڑ روپیے بھی دینے کا اعلان کیا ہے۔
میرابائی نے رواں ٹوکیو اولمپک میں بھارت کی جانب سے پہلا تمغہ جیتا ہے۔
منی پور کے وزیراعلیٰ این بیرین سنگھ نے مزید بتایا کہ اولمپین جودوکا لِکمابام سُشیلا دیوی کو کانسٹیبل کے عہدے سے سب انسپکٹر پر ترقی دی جائے گی۔
انہوں نے کہا کہ تمام اولمپک شرکاء کو 25 لاکھ روپیے دیئے جائیں گے۔ اس کے علاوہ وزیر اعلیٰ نے یہ بھی اعلان کیا کہ جلد ہی ریاست میں ورلڈ کلاس ویٹ لفٹنگ اکیڈمی قائم کی جائے گی۔