رافیل ندال کی گیند بال گرل کو لگی

سال کے پہلے گرینڈ سلیم آسٹریلین اوپن کے میچ کے دوران اس وقت دلچسپ صورتحال پیدا ہوئی جب ہسپانوی ٹینس اسٹار رافیل ندال کے ذریعے ماری گئی گیند بال گرل کے سر پر لگ گئی۔

اسپین کے ٹینس اسٹار رافیل ندال کا ارجنٹینا کے فیڈریکو ڈیلبونیس سے مقابلہ جاری تھا کہ اس دوران رافیل ندال نے اپنا دفاعی شاٹ کھیلا لیکن ان کا نشانہ چوک گیا اور گیند حریف کھلاڑی کی طرف جانے کے بجائے ٹینس کورٹ میں کھڑی لڑکی کے سر پر لگ گئی۔

نڈال نے کھڑی لڑکی کے سر پر گیند دے ماری

لڑکی کو گیند لگنے کے بعد پر ٹینس اسٹار فوری طور پر کھیل چھوڑ کر اس کے پاس گئے اور اسے حوصلہ دیتے ہوئے معذرت بھی کی۔

رافیل ندال نے سر سے لڑکی کا کیپ ہٹاکر معائنہ کیا اور پھر اسے بوسہ دے کر اس کی حوصلہ افزائی کی۔

نڈال نے کھڑی لڑکی کے سر پر گیند دے ماری

جبکہ رافیل کے ساتھ ان کے حریف کھلاڑی بھی لڑکی کے پاس گئے اور اس کی خیریت دریافت کرتے ہوئے اسے حوصلہ دیا۔

اس واقعہ پر ندال نے کہا کہ وہ بہت برا لمحہ تھا اور وہ اس لڑکی کے لیے بہت ڈر گئے تھے۔

انہوں نے کہا کہ مجھے لڑکی سے ہمدردی ہے، میراخیال ہے کہ انہیں زیادہ تکلیف نہ آ ئی ہو۔میں ان کے لیے دعا کرتا ہوں۔