بین الاقوامی پیرا پاور لفٹنگ کھلاڑی سچن چودھری نے اترپردیش کی پالیسیز کے خلاف کیلاش پرکاش اسٹیڈیم میں بھوک ہڑتال پر ہیں۔
سچن اولمپک تمغہ فاتح کھلاڑی ہیں جبکہ انہوں نے دولت مشترکہ کھیل اور ایشین چیمپیئن شپ میں بھی متعدد تمغے حاصل کیے ہیں۔
اولمپک تمغہ فاتح کی غیر معینہ بھوک ہڑتال، ویڈیو میرٹھ کے کنکر کھیڑا، اوم نگر کے رہنے والے پیرا پاور لفٹنگ کھلاڑی سچن چودھری 16 برس کی عمر سے ہی کھیلوں کی دنیا میں سرگرم ہیں اور گذشتہ 18 برسوں میں وہ 10 قومی اور 11 بین الاقوامی مقابلوں میں تمغے جیت چکے ہیں۔
سچن چودھری سنہ 2018 میں عالمی درجہ بندی میں اول نمبر کے کھلاڑی رہ چکے ہیں۔
سچن چودھری کا کہنا ہے کہ 'دہلی، ہریانہ، راجستھان سمیت دیگر ریاستوں میں پیرا کھلاڑیوں کے لیے اعزازی رقم، سرکاری ملازمت سمیت دیگر کئی سہولیات فراہم کی جاتی ہیں لیکن اتر پردیش میں پیرا کھلاڑیوں کے لیے کوئی خاص سہولیات نہیں ہیں۔'
انہوں نے کہا کہ 'جب تک مطالبات پورے نہیں ہوتے، میں غیر معینہ مدت تک بھوک ہڑتال پر رہوں ہوگا نیز حکومت کے اس رویے سے ریاست کے سبھی کھلاڑی مایوس ہیں اور میں پوری ریاست میں کھلاڑیوں کے لیے وقار اور حقوق چاہتا ہوں۔'
سچن چودھری کے ساتھ دیگر 18 معذور کھلاڑی بھی بھوک ہڑتال پر بیٹھے ہوئے ہیں۔
ایک قومی سطح کی کھلاڑی فاطمہ کا کہنا ہے کہ 'جب ایک اولمپک تمغہ فاتح کھلاڑی کو حکومت نظر انداز کر رہی ہے تو بقیہ علاقائی سطح کے کھلاڑیوں کے لیے حکومت کا رویہ کیسا ہوگا، آپ اندازہ لگا سکتے ہیں۔'
