محکمہ کی آج جاری ریلیز کے مطابق طبی انشورنس کے تحت ملک کے چنندہ اسپتالوں میں سے کسی بھی اسپتال میں کھلاڑی اپنا بہتر علاج کروا سکتے ہیں۔اس کے لیے انہیں دو لاکھ روپے تک کے مفت علاج کی سہولت دستیاب کرائی گئی ہے۔
اسی طرح کھلاڑی کا پانچ لاکھ کی زندگی بیمہ بھی کرایا گیا ہے۔اس کے علاوہ اقتصادی طور پر کمزور طبقے کے کھلاڑیوں کے والدین کو بھی لائف انشورنس میں شامل کیا گیا ہے۔
کھیل منتظم ڈا کٹر سری تھاؤسین نے یہ جانکاری دیتے ہوئے بتایا کہ کھیل اور بہبود نوجوانان کے وزیر جیتو پٹواری کی پہل پر اکیڈمی کے کھلاڑیوں کی طرح ریاست کے باصلاحیت قومی کھلاڑیوں کو بھی طبی / حادثے کی انشورینس پالیسي کا فائدہ اٹھانے کے لئے محکمہ کی طرف سے ضروری کارروائی کی جا رہی ہے۔
انہوں نے بتایا کہ ریاست کے کئی باصلاحیت کھلاڑی مقابلہ یا مشق کے دوران زخمی ہو جاتے ہیں یا اتفاقی ناخوشگوار صورتحال پیدا ہو جاتی ہے۔کھلاڑیوں / سرپرستوں کی اقتصادی حالت بہتر نہ ہونے کی حالت میں انہیں کافی طبی امداد نہیں مل پاتی ہے جس سے بے وقت ہی صلاحیت کا خاتمہ ہو جاتا ہے۔اس صورت حال کو پیش نظر کھلاڑیوں کے طبی، حادثے اور زندگی کا انشورینس کرائے جانے کا فیصلہ کیا گیا ہے۔
انہوں نے بتایا کہ کھیل ایسوسی ایشن / فیڈریشن سے قومی کھیلوں میں مدھیہ پردیش کی نمائندگی کرنے والے کھلاڑیوں کی جانکاری حاصل کی جا رہی ہے، تاکہ انہیں بھی اس منصوبہ کا فوری فائدہ دلایا جا سکے۔
