مرسڈیز کے ڈرائیور لوئیس ہیملٹن نے جرمن گراں پری کوالیفائنگ ریس میں پہلی پوزیشن حاصل کی جبکہ فیراری کے ڈرائیور سبستیان ویٹل اور چارلس لیریک کو کار میں خرابی کی وجہ سے ریس سے ہٹنا پڑا۔
موجودہ ورلڈ چیمپیئن برطانیہ کے لوئیس ہیملٹن اپنے کریئر میں 87 ویں مرتبہ پول پوزیشن حاصل کرنے میں کامیاب ہوئے ہیں۔
اس کے علاوہ ریڈ بل کے ڈرائیور مارک ورسٹیپن دوسرے اور مرسڈیز کے ہی ڈرائیور والٹیری بوٹاس تیسرے نمبر پر رہے۔
ریس کے بعد ہیملٹن نے ٹویٹ کیا کہ 'میں نہیں جانتا کہ آج ہم نے یہ کیسے کیا اور میں یہ بھی نہیں جانتا کہ فیراری کے ڈرائیور کے ساتھ کیا ہوا۔
اس کے علاوہ فیراری کے ڈرائیور سبستیان ویٹل نے کہا کہ شاید کار کے ٹربے میں کچھ ٹوٹ گیا تھا، یہ میرے لئے بہت ہی مایوس کن بات ہے، حالاںکہ کار اچھی لگ رہی تھی لیکن میں نے ایک بڑا موقع گںوادیا۔