Indian Football Team Squad اسٹیمک نے سہ رخی ٹورنامنٹ کیلئے 23 رکنی اسکواڈ کا اعلان کیا

سہ ملکی بین الاقوامی فٹ بال ٹورنامنٹ کے لیے بھارتی فٹبال ٹیم کا 23 رکنی اسکواڈ کا اعلان کر دیا گیا ہے۔ یہ ٹورنامنٹ 22 مارچ سے 28 مارچ تک چلے گا۔ Tri-Nation International Football Tournament

نئی دہلی:بھارتی مردوں کی فٹ بال ٹیم کے کوچ ایگور اسٹیمک نے بدھ سے کولکتہ میں شروع ہونے والے تربیتی کیمپ کے لیے منگل کو 23 رکنی اسکواڈ کا اعلان کیا۔ بھارتی ٹیم کولکتہ میں پانچ روزہ کیمپ میں حصہ لے گی جس کے بعد وہ 22 سے 28 مارچ تک کھمان لمپک اسٹیڈیم میں سہ ملکی بین الاقوامی فٹ بال ٹورنامنٹ کھیلنے امپھال روانہ ہوگی۔ اس ٹورنامنٹ میں بھارت کا مقابلہ میانمار اور کرغز جمہوریہ سے ہوگا۔ کیمپ کے لیے منتخب 23 میں سے 14 کھلاڑی بدھ کو امپھال پہنچیں گے۔ دیگر نو (بنگلور ایف سی اور اے ٹی کے موہن باغان ایف سی کے کھلاڑی) انڈین سپر لیگ (آئی ایس ایل) فائنل کے ایک دن بعد کیمپ میں شامل ہوں گے۔ اسٹیمک نے 11 اضافی کھلاڑیوں کو بھی نامزد کیا ہے جنہیں ضرورت پڑنے پر کیمپ میں بلایا جائے گا۔ سہ ملکی ٹورنامنٹ کے لیے 23 کھلاڑیوں کی حتمی فہرست کا اعلان آئی ایس ایل فائنل کے مکمل ہونے کے بعد کیا جائے گا۔

بھارت کا 23 رکنی دستہ:

گول کیپر: گرپریت سنگھ سندھو، فربا لچنپا ٹیمپا، امریندر سنگھ۔ ڈیفنڈرز: سندیش جھنگن، روشن سنگھ، انور علی، آکاش مشرا، چنگلنسانا کونشام، راہل بھاکے، مہتاب سنگھ، گلان مارٹنز۔ مڈ فیلڈرز: سریش وانگجم، روہت کمار، انیرودھ تھاپا، برینڈن فرنانڈس، یاسر محمد، رتوک داس، جیکسن سنگھ، للنزوالا چھانگٹے، بپن سنگھ۔ فارورڈز: منویر سنگھ، سنیل چھتری، شیو شکتی نارائنن۔ اضافی کھلاڑی: گول کیپر: وشال کیتھ، پربھسوکھن گل۔ ڈیفنڈر: سبھاشیش بوس، پریتم کوتل، آشیش رائے، نریندر گہلوت۔ مڈ فیلڈرز: لسٹن کولاکو، نکھل پجاری، سہل عبدالصمد، نوریم مہیش سنگھ۔ فارورڈز: ایشان پنڈتا۔

یو این آئی