Asian Games 2023 ایشین گیمز میں بھارت کی گھڑ سوار ٹیم نے اکتالیس سال بعد میڈل جیتا

ایشین گیمز میں بھارت نے اپنا تیسرا گولڈ میڈل جیت لیا ہے۔ گھڑ سوار ٹیم نے ڈریسج ایونٹ میں پوڈیم پر ٹاپ پوزیشن حاصل کی ہے۔اس سے قبل بھارت نے 1982 کے ایڈیشن میں گھڑ سواری کے ڈریسج ایونٹ میں کانسے کا تمغہ حاصل کیا تھا۔India creates history in Hangzhou

ہانگژو: بھارت نے منگل کو چین کے ہانگژو میں منعقدہ ایشین گیمز میں گھڑ سواری میں کے ڈریسج ایونٹ میں گولڈ میڈل اپنے نام کیا۔ بھارت نے تقریباً 41 سال بعد گھڑ سواری کے ڈرسیج ایونٹ میں میڈل جیتا ہے۔ دیویاکرتی سنگھ نے ایڈرینالین فیرفوڈ، ہردے وپل چھیڈ (کیم ایکسپرو ایمرلڈ) اور انوش اگروال (ایٹرو) نے مجموعی طور پر 209.205 فیصد پوائنٹس حاصل کرکے فائنل میں بھارت کو ٹاپ پوزیشن پر پہنچا دیا۔ سدیپتی ہجیلا بھی ٹیم کا حصہ تھیں، لیکن ان کے اسکور کو شمار نہیں کیا گیا کیونکہ اس ایونٹ میں صرف تین اسکور کرنے والے ہی جگہ پاتے ہیں۔ چین 204.882 فیصد پوائنٹس کے ساتھ دوسرے نمبر پر رہا جبکہ ہانگ کانگ نے 204.852 پوائنٹس کے ساتھ کانسہ کا تمغہ حاصل کیا۔

ایونٹ کے آغاز سے قبل چین اور جاپان کو سونے کا تمغہ حاصل کرنے کے لیے مضبوط دعویدار سمجھا جاتا تھا،تاہم کلینیکل ٹیم کی کوششوں کی بدولت، بھارت نے انھیں شکست دے دی۔

کھیل کی تاریخ میں یہ پہلا موقع ہے کہ بھارت نے ڈریسج ایونٹ میں ٹیم گولڈ میڈل حاصل کیا ۔ بھارت کو 1982 کے ایڈیشن میں ڈریسیج ایونٹ میں کانسے کا تمغہ ملا تھا۔ ڈریسیج ایونٹ میں یہ بھارت کا پہلا گولڈ میڈل ہے اور اس طرح بھارت کیلئے یہ ایک تاریخی جیت ہے۔