کھیل: بھارتی پہلوان بجرنگ پونیا کا خصوصی انٹرویو

بھارتی پہلوان بجرنگ پنیا ای ٹی وی بھارت سے خاص بات چیت میں بتایا کہ ان کے والد نے انہیں بین الاقوامی سطح پر پہلوان بنانے کے لیے کتنا جدو جہد کیا ہے۔ انہوں نے بتایا کہ ان کے والد ان کے پہلے استاذ تھے۔

بھارت کے ٹاپ فری اسٹائل پہلوان اور ٹوکیو 2020 اولمپک میں طلائی تمغۃ جیتنے کے سب سے قابل امیدوار بجرنگ پنیا نے ای ٹی وی بھارت کے ساتھ ایکژکلوسیو انٹرویو میں کہا کہ وہ ٹوکیو کھیلوں میں ابھینو بندرا کے 2008 کے اولمپک کے ان سنہرے لمحات کو دہرانا چاہتے ہیں۔

پونیا موجودہ وقت میں ۶۵ کلوگرام زمرے میں دنیا میں دوسرے نمبر پر ہیں۔ وائرس کی وجہ سے ہوئے لاک ڈاؤن کی وجہ سے پونیا نے کہا کہ وہ بھارتی حکومت اور ڈاکٹرز کے ذریعہ دیے گئے ہدایات پر عمل کر رہے ہیں۔ پونیا نے کہا کہ جب سے لاک ڈاؤن نافذ کیا گیا ہے تب سے میں گھر سے باہر نہیں گیا ہوں۔ میں گھر سے ہی تربیت لے رہا ہوں اور میں باہر نہیں جا رہا ہوں۔ کشتی کا ہر ٹورنامنٹ رد کر دیا گیا ہے۔

میٹ پر اپنے پسندیدہ لمحے کے بارے میں بات کرتے ہوئے ہندوستان کے کھیل رتن نے کہا ، "میں نے 2013 میں ورلڈ چیمپیئنشپ میں پہلا تمغہ جیتنے کے بعد اپنے آپ سے واقعی خوش تھا کیونکہ اس وقت میری عمر 18 یا 19 سال تھی۔ "

بجرنگ پنیا

جب ان سے اپنے کیریئر کے بدترین وقت کے بارے میں پوچھا گیا تو ، پنیا نے کہا ، "میں 2015 کی ریسلنگ چیمپیئنشپ میں اپنی شکست کو کبھی نہیں بھولوں گا، جب مجھے حریف نے آخری 12 سیکنڈ میں ناک آؤٹ کیا تھا۔"

جب ان سے ان کے والد کو بین الاقوامی ایتھلیٹ بنانے کے لئے جدوجہد کے بارے میں پوچھا گیا تو 26 سالہ پہلوان نے کہا ، "میرے والدین نے میرے لیے بہت کچھ کیا ہے۔ وہ میرے پہلے اساتذہ ہیں۔ میں ایک عام گھرانے سے آیا ہوں۔ ، "میرے والد کے پاس کوئی نوکری نہیں تھی ، وہ کسان تھے لیکن اس کے باوجود جب بھی مجھے کسی چیز کی ضرورت ہوتی تھی ، وہ میرے لیے اسے حاصل کرتے تھے۔"

بجرنگ پنیا

پنیا نے کہا کہ وہ ٹوکیو اولمپکس کے ملتوی ہونے کی خبروں کو مثبت انداز میں لے رہے ہیں۔ تاہم ، پدما شری ایوارڈ سے نوازے گئے اس شخص نے یہ بھی واضح کردیا کہ اگر اولمپکس شیڈول کے مطابق ہوتے تو وہ تیار تھے۔