دبنگ دہلی نے جمعہ کو تین بار کی چمپئن پٹنہ پائریٹس کو 36۔37 سے شکست دے کر پرو کبڈی لیگ کا آٹھواں سیزن جیت لیا۔ دہلی نے پہلی بار یہ خطاب جیتا ہے۔ اس طرح دہلی یہ خطاب جیتنے والی چھٹی ٹیم بن گئی ہے۔ Dabang Delhi first time won Pro Kabaddi League
دبنگ دہلی نے پرو کبڈی لیگ سیزن 8 کے فائنل میں شاندار جیت درج کی۔ میچ میں دو مضبوط ٹیمیں آمنے سامنے تھی۔ فائنل مقابلے میں تین بار کی چمپئن پٹنہ پائریٹس کا مقابلہ پچھلے سیزن کی رنر اپ دبنگ دہلی سے تھا۔ PKL Final Dabang Delhi vs Patna Pirates
پرو کبڈی لیگ کا فائنل میچ شیرٹن گرینڈ وائٹ فیلڈ، بنگلور میں کھیلا گیا۔ میچ کے دوران کبھی پٹنہ پائریٹس اور کبھی دبنگ دہلی آگے نکل رہے تھے۔ آپ کو بتا دیں پٹنہ پائریٹس چوتھی بار فائنل میں پہنچی تھی۔
یہ بھی پڑھیں: IPL 2022 Format Explained: آئی پی ایل 2022 میں 10 ٹیموں کو دو گروپوں میں تقسیم کیا جائے گا
میچ کے آغاز سے ہی دونوں ٹیموں کے درمیان سخت مقابلہ ہوا۔ پہلے تین منٹ کے بعد دونوں ٹیمیں تین تین پوائنٹس کے ساتھ برابر تھیں لیکن پٹنہ نے دہلی کے دفاع کی کمزوری کا فائدہ اٹھاتے ہوئے ٹیم کو آل آؤٹ کر دیا اور 12-9 کی برتری حاصل کر لی۔