ہاکی انڈیا کی ایک کروڑ کی مدد

ہاکی انڈیا نے کورونا وائرس كووڈ -19 کے خلاف ملک کی جنگ میں وزیر اعظم ریلیف فنڈ میں اپنی جانب سے مدد کے طور پرایک کروڑ روپے پہنچا دیا ہے۔

ہاکی انڈیا نے اس سے پہلے بدھ کو وزیر اعظم ریلیف فنڈ میں 25 لاکھ روپے کی مدد دی تھی جبکہ ہفتہ کو اس نے بتایا کہ وہ اس راحت فنڈ میں 75 لاکھ روپے اور دے گا جس سے کورونا کے خلاف جنگ میں اس کی مدد ایک کروڑ روپے تک پہنچ گئی ہے۔

ہاکی انڈیا کی ایک کروڑ کی مدد

ہاکی انڈیا کے صدر محمد مشتاق احمد نے کہا کہ یہ فیصلہ ہاکی انڈیا کے ایگزیکٹو بورڈ کے اجلاس میں لیا گیا جس میں متفقہ طور پر فیصلہ کیا گیا کہ مدد کے لیے ایک کروڑ روپے پہنچایا جائے۔انہوں نے کہا کہ بحران کی اس گھڑی میں ہمیں ایک قوم کے طور پر کھڑا ہونا ہے اور مل کر اس عالمی وبا سے لڑنا ہے۔ ہاکی انڈیا میں ہمارا فرض ہے کہ ہم اپنے لوگوں کی مدد کریں۔