ہاکی انڈیا نے مختلف قومی چمپئن شپ ملتوی کی

ہاکی انڈیا نے کورونا وائرس كووڈ -19 کے سبب ملک میں لاک ڈاؤن تین مئی تک بڑھائے جانے کی وجہ سے اپنی مختلف قومی چمپئن شپ ملتوی کر دی ہیں۔

ہاکی انڈیا کے صدر محمد مشتاق احمد نے منگل کو بتایا کہ وہ ملک میں صورتحال کا جائزہ لینے کے بعد ہی مقابلوں کی نئی تاریخوں کا اعلان کریں گے۔ انہوں نے بتایا کہ کھلاڑیوں، کوچز، عملہ، حکام، منتظمین اور شائقین کی حفاظت کو دیکھتے ہوئے یہ فیصلہ لیا گیا ہے۔

ہاکی انڈیا نے مختلف قومی چمپئن شپ ملتوی کی

ہاکی انڈیا کے مقابلوں کا آغاز مختلف مقامات پر 29 اپریل سے ہونا تھا لیکن لاک ڈاؤن تین مئی تک بڑھائے جانے کی وجہ سے انہیں ملتوی کر دیا گیا ہے۔ ملتوی کی گئی چمپئن شپ یہ ہیں:

1۔ 10 ویں جونیئر خاتون قومی چمپئن شپ ، رانچی، جھارکھنڈ (بی اور اے ڈویژن)، اسے بالترتیب 29 اپریل سے نو مئی اور سات سے 17 مئی تک ہونا تھا۔

2۔ 10 ویں جونیئر مرد قومی چمپئن شپ ، چنئی، تامل ناڈو (بی اور اے ڈویژن)، اسے بالترتیب 14 سے 21 مئی اور 19 سے 30 مئی تک ہونا تھا۔

3۔ 10 ویں سب جونیئر خاتون قومی چمپئن شپ ، حصار، ہریانہ (بی اور اے ڈویژن)، اسے بالترتیب 3 سے 14 مئی اور 12 سے 23 مئی تک ہونا تھا۔

4۔ 10 ویں سب جونیئر مرد قومی چمپئن شپ ، امپھال، منی پور (بی اور اے ڈویژن)، اسے بالترتیب 28 سے 4 جون اور 3 سے 13 جون تک ہونا تھا۔

5۔ 10 ویں سینئر مرد قومی چمپئن شپ ، گوہاٹی، آسام (بی ڈویژن)، اسے 20 جون سے 3 جولائی تک ہونا تھا۔