بین الاقوامی شہرت یافتہ فٹبال کھلاڑی لیونل میسی اور چھ بار فارمولہ ون عالمی چیمپیئن شپ جیتنے والے سرکردہ ڈرائیور لوئیس ہیملٹن کو مشترکہ طور پر باوقار لارینس ورلڈ اسپورٹس مین آف دی ایئر ایوارڈ سے نوازا گیا ہے۔
جرمنی کے برلن شہر میں پیر کی رات منعقد ایک تقریب میں یہ ایوارڈ دیا گیا۔
ہیملٹن اور میسی دونوں ہی کھلاڑیوں نے سال 2019 میں شاندار کارکردگی کا مظاہرہ کیا تھا۔
لارینس ایوارڈ کے 20 سال کی تاریخ میں یہ پہلی بار ہے جب مشترکہ طور پر اس باوقار ایوارڈز کو دو کھلاڑیوں کو دیا گیا ہے۔
اس کے علاوہ امریکی ایتھلیٹ سمون بالس کو لارینس ورلڈ اسپورٹس وومن آف دی ایئر کا ایوارڈ ملا ہے۔ یہ سمونا کا تیسرا لارینس ایوارڈ ہے۔
واضح رہے کہ عظیم بلے باز ماسٹر بلاسٹر سچن تندولکر کو کھیل دنیا کے ممتاز لارینس اسپورٹس موومنٹ ایوارڈ سے نوازا گیا ہے۔
بھارت نے 2011 آئی سی سی ورلڈ کپ کے فائنل میں سری لنکا کو شکست دے کر ٹائٹل اپنے نام کیا تھا جس کے بعد ٹیم انڈیا کے کھلاڑیوں نے سچن کو اپنے کندھوں پر اٹھا کر پورے اسٹیڈیم کا چکر لگایا تھا۔
اس لمحے کرکٹ شائقین کے دلوں و دماغ پر ہمیشہ کے لئے یہ منظر درج ہو گیا۔ اس لمحے کو گزشتہ 20 سالوں کے دوران سب سے بہترین کھیل لمحہ مانا گیا جس کے لئے سچن کو پیر کو جرمنی کے برلن شہر میں منعقد ایک تقریب میں لارینس اسپورٹس موومنٹ ایوارڈ (2000-2020) سے نوازا گیا۔ یہ لمحہ کرکٹ شائقین کے لئے ناقابل فراموش ہو گیا۔