فیفا عالمی کپ کوالیفائرس میں میسی اور نیمار نے گول اسکورنگ ریکارڈ بنائے

ارجنٹینا کے لیونل میسی اور برازیل کے سپر اسٹار فٹبالر نیمار دونوں نے 2022 فیفا ورلڈ کپ کوالیفائر مقابلوں میں گول اسکورنگ ریکارڈ قائم کیے ہیں۔

ارجنٹینا کے لیونل میسی بیونس آئرس کے مونیومینٹل اسٹیڈیم میں جمعہ کو بولیویا کے خلاف میچ میں تین گول کرکے بین الاقوامی فٹ بال میں جنوبی افریقہ کے ٹاپ اسکورر برازیل کے لیجنڈ فٹبالر پیلے کو پیچھے چھوڑ دیا۔

بارسلونا کے سابق فارورڈ میسی نے 14 ویں منٹ میں پہلا، 64 ویں منٹ میں دوسرا اور 88 ویں منٹ میں تیسرا گول کرکے ٹیم کو نہ صرف برتری، بلکہ فتح دلائی۔ ان تین گولوں کے ساتھ ارجنٹینا کے لیے 153 میچوں میں میسی کے گولوں کی تعداد 79 ہوگئی۔ اس سے قبل برازیل کے پیلے نے 92 میچوں میں 77 گول کیے تھے۔

دوسری جانب شمال مشرقی شہر ریسیف کے ایرینا ڈی پیرنمبوکو اسٹیڈیم میں نیمار اچھی فارم میں نظر آئے۔ یہاں جمعہ کو پیرو کے خلاف میچ میں برازیل نے اپنا مکمل کوالیفائنگ ریکارڈ برقرار رکھا۔ میچ کے 40 ویں منٹ میں آئے گول نے نیمار کو ہم وطن رومانیو اورزیکو کو پیچھے چھوڑتے ہوئے ورلڈ کپ کوالیفائرمیں 12 گول کے ساتھ برازیل کا ٹاپ گول اسکور ربنا دیا۔

پیرس سینٹ جرمین ٹیم میں ساتھ کھیلنے والے میسی اور نیمار اپنی شاندار پرفارمنس کی بدولت ان کی ٹیمیں اگلے سال قطر میں ہونے والے فیفا ورلڈ کپ کے لئے کوالیفائی کرنے کے قریب ہیں۔ ارجنٹینا نے جہاں کپتان میسی کی ہیٹرک گول کی بدولت جمعہ کو ای آئی مونیومینٹل اسٹیڈیم میں بولیویا کو 0۔3 سے شکست دی، وہیں نیمار کے دوسرے ہاف میں شاندار گول کی بدولت برازیل نے پیرو کو 0۔2 سے شکست دی۔

دونوں ٹیموں نے ابھی تک ایک بھی میچ نہیں ہارا ہے۔ برازیل جہاں آٹھ کے آٹھ میچ جیت کر 24 پوائنٹس کے ساتھ ٹیبل ٹاپر ہے وہیں ارجنٹینا آٹھ میچوں میں پانچ جیت کے ساتھ 18 پوائنٹس لے کر دوسرے مقام پر ہے۔ اس نے تین میچ ڈراکھیلے ہیں۔

(یو این آئی)