چلی کی جانب سے جوز فوینزا لیدا نے آٹھویں منٹ میں گول کر کے ٹیم کو برتری دلائی لیکن ایکواڈور کے اینر ویلنسیا کے 26 ویں منٹ کے گول نے اسکور کو برابری پر پہنچا دیا۔
اس کے بعد الیکسس سانچیز کے 51 ویں منٹ میں کئے گئے گول سے چلی نے میچ میں 1-2 سے برتری حاصل کرلی جو آخر تک برقرار رہی۔
چلی کے علاوہ ایک دیگر میچ میں کولمبیا بھی کوارٹر فائنل میں پہنچ گئی ہے۔
گروپ سی میں چلی 6 پوائنٹس کے ساتھ پہلے نمبر پر ہے جبکہ ایکواڈور دو شکست کے ساتھ گروپ سی میں آخری نمبر پر ہے۔ گروپ مرحلے کے آخری میچ میں چلی کا سامنا یوروگوئے سے جبکہ ایکواڈور کا مقابلہ جاپان سے پیر کو ہوگا۔
