بھارت کے مختلف شہروں میں ہیرو انڈین سوپر لیگ یعنی آئی ایس ایل کے فٹبال لیگ میچوں کا انعقاد عمل میں لایا جارہا ہے۔ جب کہ یہ ٹورنامینٹ اپنے آخری پڑائو میں داخل ہوچکا ہے، جہاں ٹیمیں پلے آف میں جگہ بنانے کے لیے کوشاں ہیں۔
چننیئن ایف سی بمقابلہ حیدرآباد ایف سی - موہن بگان
حیدرآباد ایف سی اور چننیئن ایف سی پلے آف کی جانب قدم آگے بڑھانے کے لیے ایک دوسرے کے مقابل اتریں گے۔حیدرآباد نے مسلسل اپنے چار میچوں میں ڈرا کھیلا ہے جب کہ سابق چیمپئن چنئین ایف سی حیدرآباد کے مقابلے مضبوط دکھائی دیتی ہے۔
حیدرآباد ایف سی اور چننیئن ایف سی پلے آف کے لیے کرے گی کوشش
ہیرو انڈین سوپر لیگ کے ساتویں سیزن میں گزشتہ چار میچوں میں ڈرا کا چوکا لگاچکی حیدرآباد ایف سی اپنے اگلے میچ میں اتوار کو گوا میں واقع واسکو کے تلک میدان اسٹیڈیم میں دوبار کی سابق چیمپئن چنئین ایف سی سے مقابلہ کرے گی۔
اس میچ کو جیت کر دونوں ٹیمیں پلے آف میں اپنا مقام حاصل کرنے کی سمت میں ایک قدم آگے بڑھانا چاہیں گی۔ اس میچ کو جیت کر حیدرآباد تیسرے مقام پر قابض ایف سی گوا سے آگے نکلنا چاہے گی اور دوسرے نمبر پر قابض اے ٹی کے موہن بگان کے نزدیک پہنچنا چاہے گی۔
Last Updated : Jan 31, 2021, 12:02 PM IST