India vs Sri Lanka 3rd T20: بھارت کی 3-0 سے کلین سویپ جیت کے ساتھ عالمی ریکارڈ

بھارتی ٹیم نے سری لنکا کو ٹی 20 میچ میں کلین سوئپ کرتے ہوئے عالمی ریکارڈ بنایا ہے۔ ایئر نے سیریز کے تینوں میچ میں ناٹ آؤٹ 200 رنز بنائے ہیں India beat Sri Lanka in T20۔

اچھی فارم میں چل رہے شریاس ائیر کی ناقابل شکست 73 رن کی بدولت ہندوستان نے اتوار کے روز تیسرے اور آخری ٹی ٹوئنٹی میں سری لنکا کو 19 گیندیں باقی رہتے ہوئے چھ وکٹوں سے شکست دے کر تین میچوں کی سیریز اپنے نام کر لی۔ اس طرح ہندوستان نے کلین سویپ کرکے لگاتار ٹی ٹوئنٹی کے 12 میچ جیتنے کےافغانستان کے عالمی ریکارڈ کی برابری کر لی World Record with India's 3-0 Cean Sweep Win۔

سری لنکا نے کپتان داسن شناکا (ناٹ آؤٹ 74) کی شاندار نصف سنچری اور چمیکا کرونارتنے (12 ناٹ آؤٹ) کے ساتھ چھٹی وکٹ کے لیے 7.5 اوور میں شاندار 86 رنز کی بدولت 20 اوورز میں پانچ وکٹ پر 146 رنز کا مشکل اسکور بنایا لیکن ہندوستان نے 16.5 اوور میں چار وکٹ پر 148 رن بنا کر سیریز میں کلین سویپ کیا۔ ایک بار پھر ہندوستان کی جیت کے ہیرو شریاس ایئر بنے جنہوں نے 45 گیندوں میں نو چوکے اور ایک چھکے کی مدد سے 73 رنز کی ناقابل شکست اننگز کھیلی۔

ایئرنے سیریز کے تینوں میچوں میں ناٹ آؤٹ 200 رنز بنائے ہیں جو اپنے آپ میں ایک ریکارڈ ہے۔ انہیں پلیئر آف دی میچ کے ساتھ ساتھ پلیئر آف دی سیریز کا ایوارڈ بھی ملا۔

آئیر نے سنجو سیمسن کے ساتھ دوسرے وکٹ کے لیے 45 رنز کی شراکت قائم کی جب کہ کپتان روہت شرما ٹیم کی طرف سے پانچ وکٹ پر چھ کے اسکور پر آؤٹ ہو گئے۔ آئیر نے پھر دیپک ہڈا کے ساتھ تیسرے وکٹ کے لیے 38 اور رویندر جڈیجہ کے ساتھ پانچویں وکٹ کے لیے 45 رنز جوڑے۔

سیمسن نے 12 گیندوں میں 18 رنز بنائے، دیپک ہڈا نے 16 گیندوں میں 21 رنز بنائے اور جڈیجہ نے 15 گیندوں پر تین چوکوں کی مدد سے 22 رنز ناٹ آؤٹ بنائے۔ اس دوران وینکٹیش ائیر پانچ رنز بنانے کے بعد آؤٹ ہوگئے۔

(یو این آئی)