سینٹ جانس:ہیٹ مائر نے ونڈیز کے لیے آخری ون ڈے جولائی 2021 میں آسٹریلیا کے خلاف کھیلا تھا۔ اوشین تھامس جنوری 2020 میں آئرلینڈ کے خلاف ون ڈے کھیلنے کے بعد سے ٹیم سے باہر ہیں۔
واضح رہے کہ ویسٹ انڈیز کے نئے مقرر کردہ محدود اوورز کے کوچ نے مئی میں کہا تھا کہ وہ چاہتے ہیں کہ ہیٹ مائر، آندرے رسل، سنیل نارائن اور ایون لوئس کی قومی ٹیم میں واپسی ہو۔
سیمی نے کہا تھاکہ"میں نے ہیٹی (شمرون ہیٹمائر) اور ایون لیوس دونوں سے بات کی ہے۔ میں آپ کو بتانا چاہوں گا کہ ان کا ردعمل مثبت رہا ہے اور میں آندرے رسل جیسے لوگوں تک بھی پہنچا ہوں۔ میں نے سنیل نارائن اور ان تمام لوگوں سے بھی رابطہ کیا ہے تاکہ یہ جان سکیں کہ ان کے خیالات کیا ہیں۔ کیونکہ وہ اب بھی ہمارے گھریلو مقابلوں میں حصہ لیتے ہیں۔"
کیریبین ٹیم کے کپتان شائی ہوپ بدستور برقرار ہیں جبکہ روومین پاول نائب کپتان ہیں۔ سی ڈبلیو آئی نے اطلاع دی ہے کہ فاسٹ باؤلر جےڈن سیلز اور لیگ اسپنر یانک کریا سرجری کے بعد ری کوری کے بعد ٹیم میں شامل ہو گئے ہیں۔ بائیں ہاتھ کے اسپنر گڈاکیش موتی کو انجری سے مکمل صحت یاب ہونے کے بعد ٹیم میں شامل کیا گیا ہے۔
کیمو پال انجری کے باعث سلیکشن کے لیے دستیاب نہیں تھے۔ نکولس پوران اور جیسن ہولڈر بھی انتخاب کے لیے دستیاب نہیں تھے، حالانکہ سی ڈبلیو آئی نے ان کی عدم دستیابی کی کوئی وجہ نہیں بتائی۔