لا پلاٹا (ارجنٹینا): فارورڈ لوسیانو روڈریگیز نے آخری لمحات میں واحد گول کیا جس کی بدولت یوروگوے نے اتوار کو اٹلی کو 1-0 سے شکست دے کر انڈر 20 فیفا ورلڈ کپ کا پہلا خطاب جیت لیا۔
دلچسپ میچ کے پہلے ہاف میں دونوں ٹیموں نے ایک دوسرے پر تابڑ توڑ حملے کیے لیکن دفاعی لائن نے انہیں ناکام بنا دیا جس سے پہلا ہاف بغیر کسی گول کے برابر رہا۔ دوسرے ہاف میں وقت تیزی سے گزر رہا تھا لیکن یوروگوے کے تیز رفتار فارور کھلاڑی ڈ روڈریگیز نے 86 ویں منٹ میں ہیڈر کے ذریعے گول داغ کر یورپی ٹیمون کی مسلسل چار فتوحات کا سلسلہ توڑتے ہوئے اپنی ٹیم کے سر جیت کا سہرا باندھ دیا۔
فتح سے سرشار یوروگوے کے لیورپول مونٹی ویڈیو کے لیے فٹ بال کھیلنے والے روڈریگیز (19) نے کہا ’’ہم عالمی چیمپئن ہیں۔ میرے پاس کہنے کے لیے الفاظ نہیں ہیں۔ یہ واقعی ایک خوشی سے پاگل کرنے والا لمحہ ہے۔ اصل میں یہ خوشی کا لمحہ ہے جسے میں ہمیشہ یاد رکھنا پسند کروں گا۔ ہماری ٹیم بہتر تھی اور جیتنے کی حقدار تھی۔ ہر کھلاڑی نے اپنے تربیتی سیشن اور میچوں میں اپنا سب کچھ دیا اور آخر میں ہم جیت گئے۔