New Zealand vs Afghanistan Match Abandoned افغانستان اور نیوزی لینڈ میچ بارش کی نذر

آئی سی سی ٹی 20 ورلڈ کپ میں افغانستان اور نیوزی لینڈ کا میچ بارش کے باعث منسوخ کر دیا گیا جس کے سبب دونوں ٹیموں کو ایک پوائنٹ ملا۔ New Zealand vs Afghanistan T20I World Cup Match

میلبورن: آئی سی سی ٹی 20 ورلڈ کپ کے سُپر 12 مرحلے میں نیوزی لینڈ اور افغانستان کو ایک ایک پوائنٹ پر اکتفا کرنا پڑا کیونکہ بدھ کو ان دونوں ٹیموں کے درمیان میلبورن میں ہونے والا میچ بارش کی نذر ہوگیا۔ Melbourne Cricket Ground

آج کے میچ میں کیوی ٹیم آسٹریلیا کے خلاف 89 ​​رنز کی زبردست جیت کے بعد اس مقابلے میں اتر رہی تھی جبکہ افغانستان کو ٹورنامنٹ کے اپنے ابتدائی مقابلے میں انگلینڈ کے ہاتھوں پانچ وکٹوں سے شکست کا سامنا کرنا پڑا تھا۔ یہ دوسرا سُپر 12 مقابلہ ہے جسے بارش کی وجہ سے منسوخ کرنا پڑا۔ اس سے قبل جنوبی افریقہ اور زمبابوے کے درمیان پیر کو ہونے والا میچ بھی بارش کی وجہ سے وقفے وقفے سے روکنے کے بعد منسوخ کر دیا گیا تھا۔

افغان ٹیم کے لیے یہ اہم تھا کہ وہ اپنا ابتدائی مقابلہ ہارنے کے بعد جیت حاصل کریں لیکن انھیں ایک پوائنٹ پر اکتفا کرنا پڑا اور اس کی وجہ سے انہیں آنے والے میچوں میں مشکلات کا سامنا کرنا پڑے گا۔ دوسری جانب نیوزی لینڈ اس وقت گروپ 1 میں تین پوائنٹس اور +4.450 کے بڑے نیٹ رن ریٹ کے ساتھ سرفہرست ہے۔