ایڈیلیڈ: بھارت کے 360 ڈگری بلے باز سوریہ کمار یادو نے کہاکہ انہوں نے بچپن میں ربر کی گیندوں سے کھیلتے ہوئے وکٹ کے پیچھے شاٹ لگانا سیکھا ہے۔ بی سی سی آئی کی طرف سے جاری کردہ ایک ویڈیو میں سوریہ کمار نے اشون کے ساتھ بات چیت میں کہاکہ "اپنے ابتدائی دنوں میں، میں دوستوں کے ساتھ اپنے گھر کے قریب ربر کی گیند سے کرکٹ کھیلا کرتا تھا۔ وہ 17-18 گز کی پچ پر دوڑ کر ربر کی گیلی گیند پھینکا کرتے تھے۔ یہ شاٹس وہیں سے آئے ہیں، میں نیٹ پر ان کی مشق نہیں کرتا۔ Suryakumar Yadav in a chat with Ravichandran Ashwin
سوریہ کمار نے زمبابوے کے خلاف بھارت کے آخری سپر 12 میچ میں بھی اپنی چوطرفہ بلے بازی کا مظاہرہ کیا۔ انہوں نے 25 گیندوں پر 61 رنز کی ناقابل شکست اننگ کھیلی جس میں چھ چوکے اور چار چھکے شامل تھے۔ سوریہ کمار نے کہاکہ "سامنے کی باؤنڈری 80-85 میٹرکی ہوتی ہے۔ یہاں (آسٹریلیا میں) دائیں بائیں کی باونڈری بھی تقریباً 70 میٹرکی ہے۔ صرف وکٹ کے پیچھے ہی 60-65 میٹر کی مختصر باؤنڈری ہے۔ میں اس کے ساتھ تجربہ کرنے کی کوشش کرتا ہوں۔"
انہوں نے کہا "میں فارمیٹ کے مطابق کھیلنے کی کوشش کرتا ہوں۔ یہ آپ کی ذہنیت پر منحصر ہے۔ میں ہر گیند پر رن بنانے کی کوشش کرتا ہوں۔ اگر مجھے پہلی ہی گیند پر موقع ملا تو میں رن بنانے کی کوشش کروں گا۔' سوریہ کمار کا آسٹریلیا کا یہ پہلا دورہ ہے، لیکن ان کی بیٹنگ حقیقت کی نفی کرتی ہے۔ آسٹریلیا کے بڑے میدانوں اور اچھال بھری پچوں پر جہاں کئی بلے باز رن بنانا بھول جاتے ہیں، وہیں سوریہ کمار نے پانچ میچوں میں 75 کی اوسط سے 225 رنز بنائے ہیں، جس میں تین نصف سنچریاں بھی شامل ہیں۔