بوم بوم آفریدی کے نام سے مشہور پاکستانی کرکٹ ٹیم کے سابق کپتان شاہد آفریدی سوشل میڈیا پر زیادہ ایکٹیو رہتے ہیں۔ انہوں نے سوشل میڈیا سائٹ ٹوئٹر پر جاری اپنے ایک پیغام میں انٹرنیشنل کرکٹ کونسل یعنی آئی سی سی کے قوانین پر اعتراض اٹھاتے ہوئے کہا کہ میچ کے دوران امپائر گیندباز کی کیپ کیوں نہیں پکڑ سکتے؟
شاہد آفریدی کو آئی سی سی کے قوانین پر اعتراض - گیند چمکانے
پاکستانی کرکٹ ٹیم کے سابق کپتان شاہد آفریدی نے عالمی وبا کورونا وائرس کے دور میں کرکٹ میچوں کے دوران امپائروں سے متعلق قوانین پر اعتراض کیے ہیں۔
شاہد آفریدی کو آئی سی سی کے قوانین پر اعتراض
سابق کپتان نے اپنے ٹوئٹ میں کہا کہ امپائر بھی ٹیم اور مینجمنٹ کے ہمراہ ببل میں ہی ہوتے ہیں، یہاں تک کہ میچ کے اختتام پر ہاتھ بھی ملاتے ہیں تو کیپ پکڑنے کی اجازت نہ ہونا عجیب بات ہے۔
خیال رہے کہ ابھی حال ہی میں کورونا وائرس کی وبا کے سبب آئی سی سی نے کچھ نئے قواعد جاری کیے تھے۔ جس پر کئی افراد کی جانب سے اعتراض جتایا گیا ہے۔ آئی سی سی نے گیند چمکانے کے لیے تھوک کے استعمال پر بھی پابندی عائد کر رکھی ہے۔