بھارتی خواتین کی ٹی۔20 ٹیم کی کپتان ہرمنپریت کور بھی ان کھلاڑیوں میں شامل ہوگئی ہیں، جو کورونا سے متاثر ہوگئے ہیں۔ ان کا پیر کے دن ہلکے بخار کے بعد ٹیسٹ کا رزلٹ مثبت آیا ہے اور وہ بیماری کی ہلکی علامات کا سامنا کررہی ہیں۔ کھلاڑی کے قریبی نے میڈیا کو بتایا کہ "وہ گھر میں کورنٹائن ہے۔ اس نے کل ٹیسٹ کیا تھا۔ اور آج صبح یہ رپورٹ مثبت آئی ہے۔ انہیں چار دن سے ہلکا بخار تھا لہٰذا اس نے ٹیسٹ کروانا ہی بہتر سمجھا۔ وہ ٹھیک ہیں اور جلد ہی ان کے علاج کو مکمل کرلیا جائے گا۔
بھارتی خواتین ٹی۔20 ٹیم کی کپتان ہرمنپریت کور کورونا سے متاثر فی الحال کور نے خود کو الگ تھلگ کرلیا ہے اور وہ قرنطینہ میں ہیں۔ انہوں نے کہا، میں درخواست کرنا چاہتی ہوں کہ حال ہی میں جن لوگوں نے مجھ سے رابطہ کیا ہے، براہ کرم اپنے ٹیسٹ کروائیں۔ میں ہر ایک سے ماسک پہننے اور معاشرتی دوری کا خیال رکھنے کی اپیل کرتی ہوں۔
اس سے قبل سچن تیندولکر کا بھی کورونا ٹیسٹ مثبت آیا تھا، اب ان کی صحت اچھی ہے۔ اس سے پہلے بدری ناتھ بھی کورونا پازیٹیو ہوگئے تھے۔ انہوں نے اتوار کے روز ٹویٹ کیا تھا، میں مسلسل ضروری احتیاطی تدابیر اختیار کر رہا ہوں اور ٹیسٹ بھی کرا رہا ہوں۔ میرا کوویڈ ۔19 ٹیسٹ مثبت ہے اور مجھے کوویڈ کی ہلکی علامات ہیں۔ میں تمام پروٹوکول کی پیروی کروں گا اور گھر میں الگ تھلگ ہوجاؤں گا ، اور ساتھ ہی اپنے معالج کے مشورے کے مطابق ضروری اقدامات کروں گا۔ انہوں نے عوام سے اپیل کی کہ احتیاط کریں اور محفوظ رہیں۔
بدری ناتھ سے قبل بھارتی کرکٹ ٹیم کے سابق آل راؤنڈر اور لیجنڈری بلے باز یوسف پٹھان کو بھی کورونا مثبت پایا گیا تھا۔ یوسف نے ہفتے کے روز اپنے ٹویٹر ہینڈل کے ذریعہ اس کی اطلاع دی۔ یوسف مین آف دی ٹورنامنٹ منتخب ہوئے تھے۔ انہوں نے نے ٹویٹر پر لکھا، "مجھے ہلکی علامات کے ساتھ کورونا مثبت پایا گیا ہے۔ میں نے اپنے آپ کو گھر پر قید کرلیا ہے اور تمام ضروری احتیاطی تدابیر اور ضروری دوائیں لے رہا ہوں۔ میں ان لوگوں سے درخواست کروں گا جو میرے ساتھ رابطے میں آئے ہیں۔
واضح رہے کہ کور نے ون ڈے میچوں میں نصف سنچری اور 40 رنز بنا کر عمدہ فارم دکھایا تھا۔ بھارت، جو کہ کورونا وبا کے سبب 12 ماہ کے بعد انٹرنیشنل کرکٹ میں واپس آیا ہے ون ڈے اور ٹی 20 دونوں سیریز ہار چکا ہے۔
