جنوبی افریقہ اور ویسٹ انڈیز کے درمیان کھیلے گئے دوسرے ٹیسٹ میچ میں جنوبی افریقہ نے ویسٹ انڈیز کو 158 رنز سے شکست دے کر سیریز دو صفر سے اپنے نام کر لی۔
ویسٹ انڈیز نے تیسرے دن کا کھیل ختم ہونے تک 15 رنز بنا لیے تھے اور اسے جیتنے کے لیے ابھی بھی 309 رنز کی ضرورت تھی لیکن میچ کے چوتھے روز ویسٹ انڈیز کی پوری ٹیم 165 رنز بنا کر آوٹ ہو گئی۔
ویسٹ انڈیز کی جانب سے دوسری اننگ میں کیرون پاویل نے سب سے زیادہ 51 رنز جب کہ کے میئرس نے 34 رنز، بلیک ووڈ نے 25، اور کیمار روچ نے 27 رنز کی اننگ کھیلی۔
وہیں دوسری اننگ میں جنوبی افریقہ کے گیندباز کیشو مہاراج نے سب سے زیادہ 5 وکٹ حاصلی کیے جب کہ کگیسو رباڈا کو 3 وکٹ ملے۔
یہ بھی پڑھیں: جنوبی افریقہ بمقابلہ ویسٹ انڈیز: ونڈیز کو 324 رنز کا ہدف
اس سے قبل جنوبی افریقہ اپنی دوسری اننگ میں 174 رنز بنا کر آوٹ ہو گئی۔ پہلی اننگ میں جنوبی افریقہ کے پاس 149 رنز کی برتری حاصل تھی۔ جس کے سبب افریقہ نے ویسٹ انڈیز کو 324 رنز کا ہدف دیا۔
واضح رہے کہ دونوں ٹیموں کے درمیان کھیلے گئے پہلے میچ میں جنوبی افریقہ نے ونڈیز کو ایک اننگ اور 63 رنز سے شکست دی تھی۔
