بھارتی خواتین ٹیم کی سلامی بلے باز شفالی ورما نے منگل کے روز آئی سی سی ٹی 20 بلے بازی رینکنگ میں دوبارہ نمبر ایک مقام حاصل کرلیا۔ Shafali Verma regains top in ICC Women's T20 Ranking
آئی سی سی کی جانب سے جاری کردہ تازہ ترین ٹی ٹوئنٹی رینکنگ میں نوجوان بھارتی بلے باز شفالی نے تجربہ کار آسٹریلیائی بلے باز بیتھ مونی کو پیچھے چھوڑتے ہوئے 726 ریٹنگ پوائنٹس کے ساتھ نمبر ایک پوزیشن حاصل کر لی ہے۔ latest ICC T20 ranking
مونی کے پاس 724 پوائنٹس ہیں۔ 18 سالہ شفالی نے پہلی بار آئی سی سی ویمنز ٹی 20 ورلڈ کپ 2020 میں نمبر ون مقام حاصل کیا تھا۔
رینکنگ میں آسٹریلیا کی کپتان میگ لیننگ 719 پوائنٹس کے ساتھ تیسرے اور بھارت کی اسمرتی مندھانا 709 پوائنٹس کے ساتھ چوتھے نمبر پر ہیں۔ Smriti Mandhana ranking in ICC T20
اس کے علاوہ بھارتیہ آف اسپنر دپتی شرما 685 پوائنٹس کے ساتھ گیندبازوں کی فہرست میں چوتھے نمبر پر آگئی ہیں۔ انگلینڈ کی اسپنر ایکلیسٹون 761 پوائنٹس کے ساتھ سرفہرست ہیں جب کہ ان کی ہم وطن سارہ گلین 722 پوائنٹس کے ساتھ دوسرے اور جنوبی افریقہ کی شبنیم اسماعیل 718 پوائنٹس کے ساتھ تیسرے نمبر پر ہیں۔
آل راؤنڈر رینکنگ میں نیوزی لینڈ کی سوفی ڈیوائن پہلے نمبر پر برقرار ہیں جبکہ انگلینڈ کی نٹالی سائیور دوسرے اور بھارت کی دپتی شرما تیسرے نمبر پر رہیں۔
یو این آئی
