ٹیم کی جیت پر آفریدی کا اظہار خوشی

پاکستان کے سابق کپتان شاہد آفریدی نے آخری ٹی ٹوئنٹی میں کامیابی کو خوش آئند قرار دیا ہے۔

سماجی رابطے کی ویب سائٹ پر آفریدی نے کہا کہ پاکستانی ٹیم نے ایک مشکل ٹور کا اچھا اختتام کیا، محمد حفیظ کی جانب سے دو زبردست اننگز کے ساتھ تیز گیندباز وہاب ریاض نے شاندار پرفارمنس دےکر ٹی ٹوئنٹی فارمیٹ میں اپنی افادیت ثابت کی۔

شاہد آفریدی نے نوجوان بلے باز حیدر علی کو بھی کیرئر کے شاندار آغاز پر مبارکباد دی۔ انہوں نے اس امید کا بھی اظہار کیا ہےکہ حیدرعلی مستقبل میں بڑا اسٹار بنے گا۔

پاکستان کو ٹیسٹ سیریز میں شکست کا سامنا کرنا پڑا جبکہ ٹی ٹوئنٹی سیریز ایک۔ ایک سے برابر رہی۔ اس سیریم کا ایک مقابلہ بارش کی نذر ہو گیا تھا جبکہ دونوں ٹیموں نےایک ایک میچ جیتنے میں کامیابی حاصل کی۔