میرپور:شیر بنگلہ نیشنل اسٹیڈیم میں کھیلے جا رہے دوسرے ٹیسٹ میچ کے پہلے بنگلہ دیش کو 172 رنوں پر آل آوٹ کرنے کے بعد نیوزی لینڈ کی ٹیم 55 رنوں کے اسکور پر 5 وکٹ گنوا کر مشکل میں پڑ گئی ہے۔ نیوزی لینڈ کی شروعات مایوس کن رہی اور 20 رنوں کے مجموعی اسکور پر ٹام لیتھم چار رن بنا کر تیجل اسلام کی گیند پر آوٹ ہوگئے ۔ہنری نیکولس ایک رن اور ٹام بنڈل بغیر کھاتہ کھولے پویلین لوٹ گئے۔
تجربہ کار بلے باز کیون ویلمسن 13 رن اور ڈیون کونوے 11 رن بنا کر جلد ہی پویلین لوٹ گئے۔ پہلے دن کے کھیل کے اختتام پر نیوزی لینڈ کی ٹیم 12.4 اوورز میں 55 رن بنا کر پانچ اہم وکٹ گنوا چکی ہے۔ بنگلہ دیش کی جانب سے مہدی حسن معراج کو تین اور تیجل اسلام کو دو وکٹ ملے۔
اس سے قبل بنگلہ دیش ٹاس جیت کر پہلے بیٹنگ کرنے آیا اور اس کے چار ٹاپ بلے باز ذاکر حسین آٹھ رنز، محمود الحسن جوئے نے 14، مومن الحق نے پانچ اورشانتو کو 9 رن کو 15 اوورز تک ٹیم کے 47 کے اسکور پر پویلین بھیج دیا تھا۔ مشفق الرحیم 35 کے اسکور پر گیند کو ہاتھ سے روکنے کی کوشش میں آؤٹ ہوئے۔ اسے کرکٹ کی زبان میں ’بال ہینڈلنگ‘ کہتے ہیں۔ اس کے ساتھ وہ اس طرح آؤٹ ہونے والے پہلے بنگلہ دیشی کرکٹر ہیں۔ جب وہ 41 اوورز کی چوتھی گیند پر آؤٹ ہوئے تو ٹیم کا اسکور 104 رنز تھا۔ اس کے بعد شہادت حسین 31 رنز بنا کر فلپس کے ہاتھوں کیچ آؤٹ ہوئے۔ نورالحسن ساتویں بنگلہ دیشی بلے باز تھے جو سات رنز بنا کر آؤٹ ہوئے۔ مہدی حسن معراج 20 رنز بنانے کے بعد آؤٹ ہوئے۔ تیج الاسلام چھ رنز بنانے کے بعد آؤٹ ہوئے، شرف الاسلام 10 رنز بنانے کے بعد آؤٹ ہوئے۔ نعیم حسن 13 رنز بنانے کے بعد ناٹ آؤٹ رہے۔