انگلینڈ کے خلاف نیوزی لینڈ کی یکطرفہ جیت

نیوزی لینڈ نے انگلینڈ کو دوسرے ٹیسٹ میچ کے چوتھے دن 8 وکٹوں سے شکست دے کر دو میچوں کی سیریز 1-0 سے جیت لی اور اس طرح 22 برسوں کے بعد اس نے انگلینڈ کی سرزمین پر ٹیسٹ سیریز پر قبضہ کیا ہے۔

انگلینڈ کے خلاف اسی کی سرزمین پر سیریز جیتنے سے نیوزی لینڈ بھارت کے خلاف ہونے والے آئی سی سی عالمی ٹیسٹ چیمپئن شپ فائنل کے لیے نفسیاتی طور پر مضبوط ہو گئی ہے۔

پہلی اننگ میں 85 رن سے پچھڑنے کے بعد انگلینڈ نے اپنی دوسری اننگ میں چوتھے دن اتوار کو 9 وکٹ پر 122 رن سے آگے کھیلنا شروع کیا اور اسکور میں ایک بھی رن کے اضافے کے بغیر 122 رن پر ہی سمٹ گئی جس سے نیوزی لینڈ کو میچ جیتنے کے لیے 38 رن کا ہدف ملا اور نیوزی لینڈ نے 10.5 اوور میں 2 وکٹ پر 41 رن بنا کر یکطرفہ جیت حاصل کر لی۔

نیوزی لینڈ کے کپتان ٹام لاتھم نے فاتحانہ چوکا لگایا۔ لاتھم نے 32 گیندوں پر ناٹ آؤٹ 23 رن میں تین چوکے لگائے۔ سلامی بلے باز ڈیوان کانوے 3 اور وِل ینگ 8 رنز بنا کر آؤٹ ہوئے۔

ڈیون کانوے کو اسٹورٹ براڈ نے اور ینگ کو اولی اسٹون نے آؤٹ کیا۔

میچ میں کل 114 رن دے کر 6 وکٹ لینے والے مَیٹ ہینری کو پلیئر آف دی میچ جبکہ سیریز میں بہترین کاکردگی کا مظاہرہ کرنے والے نیوزی لیند کے روری برنس اور ڈیون کانوے کو مشترکہ طور پر پلیئر آف دی سیریز کا ایوارڈ دیا گیا۔