آئی پی ایل میگا آکشن IPL Mega Auction سے پہلے ہی گزشتہ ایڈیشن میں پنجاب کنگز کے کپتان رہے کے ایل راہل نے ٹیم چھوڑنے کا فیصلہ کیا تھا جس کے بعد پنجاب کنگز کے کپتان کے بارے میں چہ مگوئیاں شروع ہوگئی تھیں، اور اب مینک اگروال کو ٹیم کا کپتان مقرر کیا گیا ہے۔
کپتان نامزد کیے جانے پر مینک اگروال نے کہا کہ 'میں 2018 سے پنجاب کنگز کے ساتھ ہوں اور مجھے اس شاندار یونٹ کی نمائندگی کرنے پر بہت فخر ہے۔ مجھے ٹیم کی قیادت کرنے کا موقع دیا گیا ہے۔ میں اس ذمہ داری کو پوری دیانتداری سے نبھاؤں گا۔ ساتھ ہی مجھے یقین ہے کہ اس سیزن میں ہمارے پاس جو صلاحیت ہے اس سے میرا کام آسان ہوجائے گا۔