Lucknow Super Giants First Bat to UP CM: لکھنؤ سپر جائنٹس نے ٹیم کا پہلا بلا یوگی آدتیہ ناتھ کو پیش کیا

نئی آئی پی ایل فرنچائزی لکھنؤ سپر جائنٹس نے اتر پردیش کے وزیر اعلیٰ یوگی آدتیہ ناتھ کو ٹیم کا پہلا بلا پیش کیا ہے۔ Lucknow Super Giants First Bat to UP CM

نئی آئی پی ایل فرنچائزی لکھنؤ سپر جائنٹس کے مالک سنجیو گوئنکا اور ٹیم کے مینٹر گوتم گمبھیر نے جمعہ کی شام دیر گئے یوگی آدتیہ ناتھ سے ان کی رہائش گاہ پر ملاقات کی اور انہیں ٹیم کا پہلا بلا پیش کیا۔ Gautam Gambhir meet Yogi Adityanath

فرنچائزی نے ٹویٹر پر اس کی ایک تصویر شیئر کی اور لکھا، "ٹیم کا پہلا بلہ وزیراعلیٰ یوگی آدتیہ ناتھ کو پیش کیا گیا۔کرکٹ کو بے پناہ حمایت دینے کے لیے ان کے مشکور ہیں۔'

میٹنگ کے دوران اتر پردیش میں کھیلوں کے امکانات پر بھی تبادلہ خیال کیا گیا۔ وزیر اعلیٰ نے گزشتہ پانچ سال میں کھلاڑیوں اور کھیلوں کی صلاحیتوں کے فروغ کے لیے کیے گئے اقدامات کے بارے میں تبادلہ خیال کیا اور بتایا کہ بی جے پی کے سنکلپ پترا میں ہر پنچایت میں کھیلوں کے میدانوں کو تیار کرنے اور کھلاڑیوں کی حوصلہ افزائی کرنے کا عزم کیا گیا ہے۔'

انہوں نے کہا کہ 'ریاست میں کھیلوں کی ترقی کے لیے جو بھی کام کیا جائے گا اس میں حکومت بھرپور تعاون فراہم کرے گی۔' Development of sports in Uttar Pradesh

دوسری جانب سنجیو گوئنکا نے ملاقات کے بعد اتر پردیش میں بدلے ہوئے ماحول کی تعریف کی۔ انہوں نے بتایا کہ ریاست میں اس سے قبل ان کے اسٹور اسپینسر کے دو اسٹور تھے جو اب بہتر ماحول کی وجہ سے بڑھ کر 34 ہوگئے ہیں۔

قابل ذکر ہے کہ آئی پی ایل کے 14 سیزن کے بعد 15 ویں سیزن میں اتر پردیش کی پہلی ٹیم اس ٹورنامنٹ سے جڑی ہے۔ دنیا کی سب سے بڑی کرکٹ لیگ میں ملک کی سب سے بڑی ریاست کی ٹیم کی آمد سے اس کا جوش اور بھی بڑھ گیا ہے۔ لکھنؤ نے اپنے پہلے سیزن کے لیے ایک مضبوط ٹیم تیار کی ہے۔

یو این آئی