Virat Kohli Century کوہلی نے سنچری بنانے کے بعد اہلیہ انوشکا شرما کو کیا ویڈیو کال، تصاویر وائرل

آئی پی ایل کا پلے آف جیسے جیسے قریب آرہا ہے۔ ویسے ہی میچ زیادہ دلچسپ ہوتا جا رہا ہے۔ آئی پی ایل 2023 کے 65ویں میچ میں وراٹ کوہلی نے شاندار سنچری کی اور اپنی ٹیم کو جیت دلائی۔ جیت کے بعد وراٹ کوہلی اپنی اہلیہ انوشکا شرما سے ویڈیو کال پر بات کرتے ہوئے دکھے جس کا ویڈیو اور تصاویر وائرل ہو گیا۔ Kohli video call to Anushka Sharma

ممبئی: رائل چیلنجرز بنگلور ٹیم کے اسٹار بلے باز وراٹ کوہلی کو جمعرات کو راجیو گاندھی انٹرنیشنل اسٹیڈیم میں سن رائزرز حیدرآباد کے خلاف سنچری بنانے کے بعد اپنی اہلیہ اور بالی ووڈ اداکارہ انوشکا شرما سے ویڈیو کال پر بات کرتے ہوئے دیکھا گیا۔ وراٹ اور انوشکا کی ویڈیو کال پر بات کرتے ہوئے کئی ویڈیوز اور تصاویر سوشل میڈیا پر وائرل ہو گئی۔ انوشکا شرما نے بھی اپنے شوہر کی شاندار اننگز کی تعریف کی۔ انہوں نے اپنی آفیشل انسٹاگرام اسٹوری پر ایک کولاج تصویر شیئر کیا ور لکھا کہ 'کیا اننگز ہے۔ ایک ٹوئٹر صارف نے وراٹ اور انوشکا کی ویڈیو کال کی تصویر شیئر کرتے ہوئے کیپشن میں لکھا، 'میچ کے بعد انوشکا شرما کے ساتھ ویڈیو کال پر وراٹ کوہلی۔ سب سے خوبصورت لمحہ۔

وہیں میچ کی بات کی جائے تو آر سی بی کے لیے حیدرآباد کے خلاف میچ کرو یا مرو کا تھا، لیکن آر سی بی نے یہ میچ آٹھ وکٹوں سے جیت لیا۔ وراٹ کوہلی اور فاف ڈو پلیسس کی 172 کی شاندار شراکت نے سن رائزرز حیدرآباد (SRH) کے خلاف شاندار اننگز کھیلی اور اپنی ٹیم کو فتح دلائی۔ ساتھ ہی کوہلی نے انڈین پریمیئر لیگ میں سنچری کے لیے چار سال کا طویل انتظار ختم کیا۔ آئی پی ایل 2023 میں کوہلی کی یہ پہلی سنچری تھی۔ انہوں نے لیگ کی تاریخ میں سب سے زیادہ سنچریاں بنانے والے سابق ساتھی کرس گیل (6) کی برابری کی۔ اسٹار بلے باز نے اپریل 2019 کے بعد اپنی پہلی آئی پی ایل سنچری اسکور کی ہے۔

بنگلور اس جیت کے ساتھ ہی چوتھے نمبر پر پہنچ گیا ہے۔ آئی پی ایل 2023 میں آرنج کیپ کی بات کریں تو یہ کیپ آر سی بی کے کپتان فاف ڈو پلیسس کے پاس ہے۔ جو 13 اننگز میں 702 رنز بنا چکے ہیں۔ وہیں وراٹ کوہلی 13 اننگز میں 538 رنز بنا لیے ہیں۔ وہیں انوشکا شرما کی آنے والی فلم کی بات کریں تو وہ اپنے بھائی کرنیش شرما کی پروڈکشن 'چکدا ایکسپریس' میں نظر آئیں گی۔ اداکارہ بایوپک میں سابق بھارتی بولر جھولن گوسوامی کا کردار ادا کریں گی۔ بیٹی کی پیدائش کے بعد اداکارہ بڑے پردے پر واپسی کرنے جارہی ہیں۔