وراٹ کوہلی بنے ویوو کے برانڈ ایمبیسڈر

چینی اسمارٹ فون کمپنی ویوو نے بھارتی کرکٹ ٹیم کے کپتان وراٹ کوہلی کو اپنا برانڈ ایمبیسڈر بنانے کا اعلان کیا ہے۔

کرکٹ کے میدان میں چوکے چھکے لگانے والے وراٹ کوہلی اب ویوو کمپنی کے پروڈکٹس کو لانچ اور ان کی تشہیر کرتے نظر آئیں گے۔

ویوو انڈیا کے برانڈ اسٹراٹیجک ڈائریکٹر نپون ماریا نے اپنے بیان میں کہا کہ 'ہم کوہلی کے ساتھ وابستہ ہو کر کافی خوش ہیں۔ ہماری توجہ ہمیشہ اپنے صارفین کی ضروریات اور ترجیحات پر مرکوز ہوتی ہے۔ ہم اپنے صارفین کی زندگی میں خوشی لانے کے لیے پرعزم ہیں۔

انہوں نے کہا کہ 'کوہلی جیسے شخص کے ساتھ جُڑ کر ہمارا ماننا ہے کہ ہم نوجوان صارفین کے ساتھ بہتر رابطہ کر سکتے ہیں۔ عامر خان اور سارہ علی خان کے علاوہ ہمیں یقین ہے کہ کسی کھلاڑی کے ساتھ جُڑنے سے ہم زیادہ سے زیادہ عوام سے مربوط ہوسکیں گے۔

میک اِن انڈیا کے لیے ویوو کے تمام اسمارٹ فون سیریز گریٹر نوئیڈا میں تیار کئے جائیں گے۔