ممبئی انڈینس کے کپتان روہت شرما نے جسپریت بمراہ کی تعریف کرتے ہوئے انہیں بہترین گیندباز قرار دیا۔ روہت نے کہا کہ بمراہ بہت تجربہ کار ہو گئے ہیں۔آخری اوورز میں بمراہ لاجواب گیندبازی کرتے ہیں۔
انہوں نے ہاردک پانڈیا کی بھی تعریف کی۔روہت نے کہا کہ وہ بہترین گیندبازہیں اور تجربے کے ساتھ ان میں نکھار بھی آ رہا ہے۔
ممبئی انڈینش نے جمعرات کو رائل چیلینجرز بنگلورو کواہم مقابلے میں شکست دے دی تھی۔اس میچ میں بمراہ نے شاندار گیندبازی کی تھی۔ان کے علاوہ ہاردک پانڈیا نے ہرفن مولا کھیل دکھاتے ہوئے ٹیم کو کامیاب بنانے میں اہم کردار ادا کیا تھا۔
روہت نے کہا کہ وراٹ کوہلی اور اے بی ڈیولیئرز کس طرح کے کھلاڑی ہیں سبھی کو معلوم ہے اور دونوں کی شراکت داری توڑنا بہت اہم تھا۔