پلیئر آف دی میچ دیپتی شرما (25/3 اور 22 ناٹ آؤٹ) نے شاندار آل راؤنڈ کارکردگی کا مظاہرہ کرتے ہوئے جمعہ کو پہلے ون ڈے میں سری لنکا کو چار وکٹ سے شکست دے کرتین میچوں کی سیریز میں 1-0 کی برتری حاصل کر لی۔India Women vs Sri Lanka Women
دراصل سری لنکا نے 48.2 اوورز میں 171 رنز بنائے جبکہ بھارت نے 38 اوور میں چھ وکٹ پر 176 رنز بنا کر میچ جیت لیا۔ دونوں ٹیموں کے لیے مشکل پچ پر بیٹنگ کرنا آسان نہیں تھا۔ اسپنرز نے ٹرن لینے والی گیندوں پر بلے بازوں کو خوب نچایا۔ اس سے قبل رینوکا سنگھ اور دیپتی شرما کی تین تین وکٹوں کی بدولت بھارتی ٹیم نے سری لنکا کو 171 رنز پر پویلین بھیج دیا۔ سری لنکا کی جانب سے نیلاکشی ڈی سلوا نے 43 اور حسینی پریرا نے 37 رنز بنائے۔