تیز گیند باز اُمیش یادو کو گیند بازی کے دوران عضلات میں کھنچاؤ کے سبب میدان سے باہر جانا پڑا۔
میچ کے تیسرے دن آسٹریلیا کی دوسر اننگ میں اپنے چوتھے اوور میں گیند بازی کے دوران امیش کو عضلات میں کھنچاؤ محسوس ہوا جس کے سبب وہ اوور کی محض تین گیند ہی ڈال سکے، امیش کی تکلیف زیادہ تھی جس کی وجہ سے انہیں میدان چھوڑ کر جانا پڑا اور اس اوور کی بقیہ تین گیندیں محمد سراج نے ڈالی۔
بی سی سی آئی کی میڈیکل ٹیم نے امیش کی چوٹ کا معائنہ کے بعد کہا کہ جانچ ہونے کے بعد ہی چوٹ کے بارے میں ٹھیک سے پتہ چل سکے گا۔
امیش یادو کا زخمی ہونا ٹیم کے لئے پریشانی کا سبب بن گیا ہے کیونکہ اس سے قبل تیز گیند باز محمد سمیع بھی بازو میں چوٹ کی وجہ سے ٹیسٹ سیریز سے باہر ہوچکے ہیں۔
محمد سمیع کے باہر ہونے کی وجہ سے پہلے ہی بھارتی ٹیم کی گیند بازی کمزور پوچکی ہے اور اب ایسے میں امیش یادو کا زخمی ہونا ٹیم کی پریشانیوں میں اضافہ کرنے والی بات ہے۔
