حیدرآباد سے تعلق رکھنے والے بھارتی کرکٹ ٹیم کے تیز گیند باز محمد سراج اپنے پہلے میچ میں پانچ وکٹ لی اور نومبر 2013 کے بعد وہ پہلے ایسے پہلے گیند باز بن گئے ہیں جس نے کریئر کے پہلے میچ میں پانچ یا اس سے زیادہ وکٹیں حاصل کی ہوں۔
محمد سراج نے اپنا پہلا ٹیسٹ میچ کھیلتے ہوئے آسٹریلیا کے خلاف پانچ وکٹیں حاصل کیں۔ اس کے ساتھ ہی وہ گزشتہ 7 برسوں میں پہلے میچ میں 5 وکٹیں لینے والے بھارتی کھلاڑی بن گئے ہیں۔
باکسنگ ڈے ٹیسٹ میچ میں شبھمن گِل کے ساتھ ٹیسٹ کریئر کا آغاز کرنے والے سراج نے میچ میں مجموعی طور پر 36.3 اوورز گیند بازی کرتے ہوئے پانچ وکٹیں حاصل کی۔
میچ میں انہوں نے دونوں اننگ کیمرون گرین کا وکٹ بھی حاصل کیا۔ اس کے علاوہ سراج نے پہلی اننگز میں مارنس لیبوشین، دوسری اننگز میں کیمرون گرین کے علاوہ ٹریوس ہیڈ اور ناتھن لیون کی وکٹیں حاصل کیں۔
سراج سے پہلے محمد سمیع نے نومبر 2013 میں بھارتی ٹیم کی جانب سے کھیلتے ہوئے پہلے میچ میں پانچ وکٹیں حاصل کی تھی۔ سمیع نے ویسٹ انڈیز کے خلاف اپنے پہلے ٹیسٹ میں نو وکٹیں لیں۔ دلچسپ بات یہ ہے کہ سراج کو اس میچ میں محمد سمیع کی جگہ ہی ٹیم میں شامل کیا گیا ہے۔
اس سے قبل روی چندرن اشون نے 2011 میں ٹیسٹ ڈیبیو کرتے ہوئے ویسٹ انڈیز کے خلاف دہلی میں نو وکٹیں اپنے نام کی تھی۔
