روہت اور ایشانت آسٹریلیا کے خلاف پہلے دو ٹیسٹ میچ نہیں کھیل سکیں گے

انجری کے سبب نیشنل کرکٹ اکیڈمی میں فٹنس حاصل کرنے کی کوشش کر رہے سلامی بلے باز روہت شرما اور تیز گیند باز ایشانت شرما آسٹریلیا کے خلاف ٹیسٹ سیریز کے پہلے دو میچ نہیں کھیل پائیں گے۔

بھارتی کرکٹ ٹیم کے تیز گیند باز ایشانت شرما اور سلامی بلے باز روہت شرما بارڈر۔گاوسکر ٹرافی کے تحت آسٹریلیا کے ساتھ چار میچوں کی ٹیسٹ سیریز کے پہلے دو میچ نہیں کھیل سکیں گے۔ ٹیسٹ سیریز 17 دسمبر سے ایڈیلیڈ میں ڈے نائٹ ٹیسٹ کے ساتھ شروع ہوگی۔

روہت شرما اور ایشانت شرما ٹیسٹ سیریز کے پہلے دو میچ نہیں کھیل سکیں گے۔

ایشانت شرما نے فٹنس دوبارہ حاصل کرلی ہے اور اب وہ 7 جنوری سے سڈنی میں ہونے والے تیسرے ٹیسٹ میچ کے لیے ٹیم میں جگہ پانے کے حقدار ہیں لیکن انہیں جلد از جلد آسٹریلیا پہنچنا پڑے گا۔

دوسری جانب روہت اس وقت نیشنل کرکٹ اکیڈمی (این سی اے) میں ہیمسٹرنگ انجری کا علاج کر رہے ہیں۔ روہت کو یہ چوٹ آئی پی ایل کے دوران آئی تھی۔

روہت شرما کی رپورٹ میں کہا گیا ہے کہ انہیں دسمبر کے دوسرے ہفتے میں ہی سفر کرنے کی اجازت ہوگی کیونکہ انہوں نے ابھی تک پوری فٹنس حاصل نہیں کی ہے۔

روہت کو دو ہفتوں کے لیے ری ہیب میں رہنا پڑے گا تب ہی این سی اے ان کے بارے میں کسی فیصلے تک پہنچ پائے گا۔

اگر روہت شرما 8 دسمبر کو آسٹریلیا روانہ ہوتے ہیں تو انہیں دو ہفتوں کے کوارنٹین رہنا پڑے گا اور پھر وہ 22 دسمبر ہی سے ہی پریکٹس کرسکیں گے۔

اس سے قبل بھارتی ٹیم کے کوچ روی شاستری نے کہا تھا کہ اگر روہت اور ایشانت کو ٹیسٹ سیریز میں حصہ لینا ہے تو انہیں کسی بھی صورت میں اگلے چار یا پانچ دن میں آسٹریلیا روانہ ہونا پڑے گا۔