بھارت۔انگلینڈ تیسرا ٹیسٹ: بھارت پہلی اننگ میں 78 رنز پر آؤٹ

بھارت اور انگلینڈ کے درمیان کھیلے جارہے تیسرے ٹیسٹ میچ میں بھارت اپنی پہلی اننگ میں محض 78 رنز بناکر آؤٹ ہوگئی۔

بھارت اور انگلینڈ کے درمیان پانچ میچوں کی سیریز کا تیسرا ٹیسٹ میچ لیڈز کے ہیڈنگلے اسٹیڈیم میں کھیلا جارہا ہے۔

تیسرے ٹیسٹ میچ میں بھارتی کپتان وراٹ کوہلی نے ٹاس جیت کر پہلے بلے بازی کرنے کا فیصلہ کیا۔ لیکن یہ فیصلہ ٹیم کے حق میں بہتر ثابت نہیں ہوا۔ کیونکہ بھارتی ٹیم اپنی پہلی اننگ میں صرف 78 رنز بناکر آؤٹ ہوگئی۔

بھارت کی جانب سے سب سے زیادہ روہت شرما نے 19 رنز کی اننگ کھیلی۔ جب کہ نائب کپتان رہانے نے 18 رنز کی اننگ کھیلی۔ ان دونوں بلے بازوں کے علاوہ ٹیم کی جانب سے کوئی بھی بلے باز دہائی کے اسکور تک نہیں پہنچ سکا۔

وہیں انگلینڈ کی جانب سے تیز گیند باز جمی اینڈرسن اور کریگ اورٹن نے تین تین وکٹ جب کہ رابینسن اور سیم کرن نے دو دو وکٹ حاصل کیے۔

آپ کو بتادیں کہ بھارت پانچ میچوں کی سیریز میں ایک صفر سے آگے ہے۔