بی سی سی آئی کے سابق سلیکٹر سریندر بھاوے کا ای ٹی وی بھارت کے ساتھ خصوصی انٹرویو پونے: روہت شرما کی قیادت میں بھارت نے اب تک کھیلے گئے چاروں میچز میں چار جیت درج کرچکی ہے۔ ٹیم انڈیا آج اپنے پانچویں میچ میں دھرم شالہ میں نیوزی لینڈ سے مدمقابل ہوگی۔ بھارت کے اسٹار آل راؤنڈر ہاردک پانڈیا ان فٹ ہونے کی وجہ سے میچ نہیں کھیل رہے ہیں۔ یہ میچ بھارت کے لیے اہم ہوگا کیونکہ وہ بلیک کیپس کے خلاف اپنی جیت کا سلسلہ جاری رکھنا چاہے گا۔ اس اہم میچ سے پہلے بی سی سی آئی کے سابق سلیکٹر سریندر بھاوے نے کہا ہے کہ یہ میچ بھارت کے لیے سیمی فائنل میں جگہ بنانے کے لیے بھی بہت اہم ہے۔
سریندر بھاوے نے ای ٹی وی بھارت سے خصوصی بات چیت کے دوران کہا کہ بھارت کے اگلے تین میچ نیوزی لینڈ، جنوبی افریقہ اور انگلینڈ کے خلاف ہیں جو کہ بہت اہم ہیں۔کیونکہ یہ تینوں ٹیمیں بہت اچھی ہی اور سیمی فائنل میں پہنچنے کے لیے آج کا میچ بھی کافی اہم ہے۔ بھاوے نے مزید کہا کہ فی الحال بھارت اور نیوزی لینڈ دونوں اچھا کھیل رہے ہیں اور میں ان دونوں ٹیموں کو فائنل میں دیکھ رہا ہوں۔آئی سی سی ایونٹس میں بھارت کی اب تک کی متاثر کن کارکردگی پر غور کرتے ہوئے بھاوے نے کہا کہ روہت شرما نے اپنی کپتانی کے دوران بہت اچھا کام کر رہے ہیں۔اور بھارتی ٹیم بہت اچھی کارکردگی کا مظاہرہ کر رہی ہے۔ مجھے روہت شرما کی کپتانی میں کافی تخلیقی صلاحیت نظر آتی ہے۔
اگر ہم موجودہ میچوں پر نظر ڈالیں تو بھارتی ٹیم کی گیندبازی شاندار رہی ہے۔ گیند باز بلے بازوں کا کام بہت آسان بنا رہے ہیں۔جو کھلاڑی ورلڈ کپ کے آغاز سے پہلے ان فٹ تھے وہ اب فٹ ہیں اور بہت اچھی کارکردگی کا مظاہرہ کر رہے ہیں۔ بھاوے نے بھارت کی شاندار فیلڈنگ کی بھی تعریف کرتے ہوئے کہا کہ وہ میدان میں پوری چستی کے ساتھ اپنی بہترین کارکردگی کا مظاہرہ کر رہے ہیں اور بہت زیادہ رنز بچا رہے ہیں۔
یہ بھی پڑھیں:
ہاردک پانڈیا کے متبادل کے بارے میں بھاوے نے کہا کہ ٹیم میں ہر کوئی ہاردک پانڈیا کی چوٹ پر نظر رکھے ہوئے ہے۔اطلاعات ہیں کہ وہ انگلینڈ کے خلاف میچ میں واپسی کریں گے۔ اگر ٹیم مینجمنٹ متوازن ٹیم بنانا چاہتی ہے تو روی چندرن اشون اور سوریہ کمار یادو دو اچھے آپشن ہیں۔ اس کے علاوہ ایشان کشن نے بھی ایک میچ میں 47 رنز بنائے ہیں۔ ایسے میں انہیں کل کے میچ میں بھی موقع دیا جا سکتا ہے۔ بھاوے نے مزید کہا کہ اگر گیند بازی کو مضبوط کرنے کے لیے پچ ہے تو اشون کو موقع دیا جاسکتا ہے اور اگر کوئی ٹرننگ پچ نہیں ہے تو سوریہ کمار یا ایشان ٹیم میں ہوں گے۔ اس کے علاوہ، اگر ہم دھرم شالہ گراؤنڈ کو دیکھیں تو ہم دیکھ سکتے ہیں کہ اس گراؤنڈ پر اچھا اچھال ہے۔ اس کو دیکھتے ہوئے محمد شامی کو بھی ٹیم میں جگہ دی جا سکتی ہے۔
