بی سی سی آئی صدر کا عہدہ چھوڑ سکتے ہیں سورو گنگولی

بی سی سی آئی کے صدر سورو گنگولی نے کرکٹ میں 30 سال مکمل کر لیے۔ اس موقع پر انہوں نے ٹویٹ کر کے بتایا کہ وہ نئی اننگز شروع کر سکتے ہیں۔ تاہم گنگولی نے اس بارے میں تفصیل سے کچھ نہیں بتایا ہے۔Ganguly Announces to start New Innings

بھارتی کرکٹ کے سابق کپتان سورو گنگولی کے بورڈ آف کنٹرول فار کرکٹ ان انڈیا کا صدر کے عہدے سے مستعفی ہونے کی خبریں گشت کر رہی ہیں۔ یہ خبریں گنگولی کے تازی ٹویٹ کے بعد سے آنے لگی جس میں انہوں نے نئی اننگ کی شروعات کی بات کہی ہے۔ Ganguly Announces to start New Innings اس موقع پر گنگولی نے اپنے آفیشل ٹویٹر اکاؤنٹ سے ایک جذباتی پوسٹ شیئر کی۔ اس پوسٹ میں انہوں نے اب تک کے سفر پر مداحوں اور ساتھی کھلاڑیوں کا شکریہ ادا کیا۔

گنگولی نے ٹویٹ کرتے ہوئے لکھا، میں نے اپنا سفر سال 1992 میں شروع کیا تھا۔ سال 2022 میرے کرکٹ کریئر کے 30 سال مکمل کرنے کا سال ہے۔ اس کے بعد کرکٹ نے مجھے بہت کچھ دیا ہے۔ سب سے اہم بات، اس نے مجھے آپ سب کا تعاون دیا ہے۔ میں ہر اس مداح کا شکریہ ادا کرنا چاہوں گا جس نے میرے اس سفر میں حصہ لیا اور مجھے اس مقام تک پہنچایا جہاں میں آج ہوں۔' انہوں نے کہا، آج میں ایک ایسا کام شروع کرنے کا منصوبہ بنا رہا ہوں، جس سے مجھے امید ہے کہ بہت سے لوگوں کو فائدہ پہنچے گا۔ مجھے امید ہے کہ میری زندگی کے اس نئے باب میں بھی آپ کا تعاون حاصل ہوگا۔'

واضح رہے کہ وزیر داخلہ امت شاہ نے 6 مئی کو گنگولی سے ملاقات کی تھی۔ شاہ کولکاتا میں گنگولی کی رہائش گاہ پر ڈنر پر پہنچے تھے۔ دونوں کی اس ملاقات کے بعد یہ قیاس لگایا جا رہا تھا کہ گنگولی بھارتیہ جنتا پارٹی میں شامل ہو سکتے ہیں۔ گزشتہ سال بھی اس پر بات ہوئی تھی لیکن پھر گنگولی نے بی جے پی میں شامل ہونے سے انکار کر دیا تھا۔