میلبورن:گول کیپر چیامکا ناڈوزی کے شاندار دفاع کی بدولت نائجیریا نے جمعہ کو 2023 فیفا خواتین ورلڈ کپ کے اپنے پہلے مقابلے میں کناڈا کو صفر گول کے ڈرا پر روک لیا۔
میلبورن رییکٹنگولر اسٹیڈیم میں کھیلے گئے زیادہ تر میچ میں کناڈا نائجیریا پر حاوی رہا، لیکن ناڈوزی کے دفاع کو توڑ نہیں سکا۔ناڈوزی نے 50ویں منٹ میں ایک اہم پنالٹی بچائی اور بائیں جانب چھلانگ لگاکر کپتان کرسٹین سنکلیئر کوگول کرنے کا موقع نہیں دیا۔
دوسرے ہاف میں، نائیجیریا بمشکل کناڈائی گول کے قریب پہنچ سکا، لیکن کناڈائی کھلاڑیوں کو گول کرنے سے روکنے کے لئے پوری طاقت سے دفاع کیا۔آخری سیٹی بجنے کے بعد، ناڈوزی اپنے گھٹنوں کے بل بیٹھ گئیں اورانہوں نے اپنی مٹھیاں ہوا میں لہراکر، زوردار دہاڑ کے ساتھ جشن منایا۔