روہت اورشکھرہی اننگ کا آغاز کریں گے: وراٹ

وراٹ نے انگلینڈ کے خلاف پانچویں اور آخری ٹی 20 مقابلے میں روہت کے ساتھ اننگ کی شروعات کی تھی، لیکن اب انہوں نے واضح کیا ہے کہ 50 اوور کے فارمیٹ میں روہت اور شکھر کی پرانی جوڑی ہی اننگ شروع کرے گی۔

ہندوستانی کرکٹ ٹیم کے کپتان وراٹ کوہلی نے انگلینڈ کے خلاف آج ہونے والے ون ڈے کے موقع پر پیر کو کہا کہ روہت کے ساتھ بائیں ہاتھ کے بلے باز شکھر دھون اننگ کا آغاز کریں گے۔

وراٹ نے انگلینڈ کے خلاف پانچویں اور آخری ٹی 20 مقابلے میں روہت کے ساتھ اننگ کی شروعات کی تھی، لیکن اب انہوں نے واضح کیا ہے کہ 50 اوور کے فارمیٹ میں روہت اور شکھر کی پرانی جوڑی ہی اننگ شروع کرے گی۔

انہوں نے کہا، ’’ جہاں تک اوپننگ شراکت داری کاتعلق ہے شکھر اور روہت یقینی طور سے اننگ شروع کریں گے۔ جب بات ایک روزہ کرکٹ کی ہوتی ہے تو مجھے نہیں لگتا کہ دونوں بلے بازوں کے ایک ساتھ اننگ شروع کرنے کے تعلق سے کوئی شبہ نہیں ہے۔ گزشتہ کچھ سالوں میں دونوں نے عمدہ کارکردگی کا مظاہرہ کیا ہے۔ یہ دیکھنا دلچسپ ہوگا کہ کچھ نوجوان کھلاڑی پہلی بار ایک روزہ فارمیٹ میں اپنا چیلنج رکھیں گے، اس لئے میں یہ دیکھنے کے لئے پرجوش ہوں کہ نوجوان کھلاڑی کس طرح انگلینڈ کی مضبوط ٹیم کے خلاف اپنا چیلنج رکھیں گے۔

32 سالہ ہندوستانی کپتان نے ساتھ ہی کہا کہ لوکیش راہل پر ٹیم مینجمنٹ کو اعتماد ہے، حالانکہ ٹی 20 سیریز میں ان کی کارکردگی امیدوں کے مطابق نہیں رہی تھی۔ راہل کو انگلینڈ کے خلاف پانچویں اور فیصلہ کن ٹی 20 مقابلے میں الیون سے باہر رکھا گیا ہے، کیونکہ ون ڈے فارمیٹ میں وہ پانچویں نمبرپر اپنے کردارکے ساتھ انصاف کریں گے۔

وراٹ نے ساتھ ہی کہا، ’’جب کوئی کھلاڑی کسی مشکل دورسے گزرتا ہے تو اس کا مطلب یہ نہیں ہے کہ وہ کھیلنا بھول گیا ہے۔ میرا خیال ہے کہ کرکٹ میں بلے بازوں کا کام گیند کو دیکھنا اور اس پر ہٹ کرنا ہے۔ اس کے باہر اگر کبھی اورکوئی بات ہوتی ہے تو وہ صرف بکواس ہے۔ ہم اپنے کھلاڑیوں کی حمایت کرتے ہیں اور انہیں ذہنی مضبوطی دینا چاہتے ہیں۔

یو این آئی