اشون کا قہر، انگلینڈ ہوئی 134 پر ڈھیر

بھارتی کرکٹ ٹیم کے اسپنر روی چندرن اشون کی پانچ وکٹوں کی بدولت ایم اے چدمبرم اسٹیڈیم میں جاری دوسرے ٹیسٹ میچ میں انگلینڈ ٹیم پہلی اننگ میں 134 رنوں پر آؤٹ ہوگئی۔

روی چندرن اشون کی نپی تُلی گیند بازی کے سامنے انگلش ٹیم کے بلے بازوں نے گھٹنے ٹیک دئے اور بھارت کے 329 رنز کے جواب میں محض 134 رنز ہی بنا سکے۔ پہلی اننگ کی بنیاد پر بھارت کو 195 رنوں کی برتری حاصل ہوئی ہے۔

ایم اے چدمبرم اسٹیڈیم میں کھیلے جا رہے دوسرے ٹیسٹ میچ کے دوسرے دن بھارت نے انگلینڈ کو 134 رنز پر ڈھیر کردیا۔ آف اسپنر روی چندرن اشون (43 رنز پر 5 وکٹ) کی عمدہ گیند بازی اور دیگر گیند بازوں کی بہترین کاکردگی کی بدولت بھارت کو پہلی اننگ کی بنیاد پر 195 رنز کی برتری حاصل ہوگئی ہے۔

بشکریہ ٹویٹر

انگلینڈ کی جانب سے وکٹ کیپر بلے باز بین فاکس نے سب سے زیادہ 42 رنز بنائے۔ اس کے علاوہ اولی پوپ نے 22 ، بین اسٹوکس نے 18 اور ڈومینک نے 16 رنز بنائے۔

بھارت کی جانب سے روی چندرن اشون نے 43 رنز دے کر پانچ وکٹیں حاصل کیں جبکہ اکشر پٹیل اور ایشانت شرما نے دو دو اور محمد سراج نے ایک بلے باز کو آؤٹ کیا۔

مہمان انگلینڈ ٹیم چائے کے وقت تک 106 رنز پر 8 وکٹیں گنوا چکی تھی۔ وقفے کے بعد انگلینڈ کی نویں وکٹ جیک لیچ کی شکل میں گری۔ انہیں انشاٹ شرما نے انہیں آؤٹ کیا جبکہ آخری وکٹ اشون نے حاصل کی۔