بھارت سے مقابلہ محض ایک میچ ہے جنگ نہیں: شعیب ملک

بھارت اور پاکستان کا مقابلہ ہمیشہ سے اعصاب شکن مقابلہ تصور کیا جاتا ہے، اگر دونوں ٹیمیں عالمی کپ میں مدمقابل ہوں تو یہ میچ مزید پریشر والا میچ ہو جاتا ہے۔

پاکستانی کرکٹ ٹیم کے سینئیر کھلاڑی شعیب ملک نے عالمی کپ میں بھارت کے ساتھ مقابلے کو ایک عام کی طرح قرار دیا ہے۔ان کا کہنا ہے کہ یہ بھی ایک میچ ہی ہے کوئی دونوں ٹیموں کے درمیان جنگ نہیں ہو رہی ہے۔

شعیب ملک نے کہا کہ میرے خیال میں اسے جنگ کہنا بالکل غلط ہے۔دونوں ٹیمیں جیتنے کے لیے کھیلتی ہیں۔

شعیب ملک کے مطابق لفظ جنگ کا استعمال کھیل میں کرنا مناسب نہیں ہے کیونکہ کرکٹ ہو یا پھر کوئی دیگر کھیل وہ لوگوں کو آپس میں ملانے کا کام کرتے ہیں۔

پاکستان کی ٹیم انگلیڈ دورہ اور عالمی کپ میں شرکت کرنے کے لیے انگلینڈ پہنچ چکی ہے۔ عالمی کپ میں پاکستان اور بھارت کے درمیان 16 جون کو مینچیسٹر میں اہم مقابلہ کھیلا جائے گا ۔