سابق آسٹریلیائی کپتان اسٹیو اسمتھ نے رواں ایشیز سیریز میں بہترین کارکردگی کا مظاہرہ کیا اور ٹیم کا ایشیز سیریز پر قبضہ برقرار رکھنے میں اہم کردار ادا کیا ہے، انہوں نے اب تک ایشیز سیریز میں تین سنچری اور دو ہاف سنچریاں بنائی ہیں اس میں ایک ڈبل سنچری بھی شامل ہے۔
انگلینڈ کرکٹ ٹیم کے سابق تیز گیند باز اسٹیو ہرمیسن نے سابق آسٹریلیائی کپتان اسٹیو اسمتھ پر اس دوران انگلینڈ کرکٹ ٹیم کے سابق تیز گیند باز اسٹیو ہرمیسن نے اسمتھ پر طنز کرتے ہوئے کہا کہ اسمتھ کتنی بھی اچھی بلے بازی کریں، چاہے جتنی بھی رنز بنالیں لیکن ان کی شبیہ ہمیشہ ایک دھوکے باز کی ہی ہوگی۔
واضح رہے کہ اسٹیو اسمتھ گزشتہ برس جنوبی افریقہ کے خلاف کیپ ٹاؤن میں ہونے والے ٹیسٹ میچ کے دوران بال ٹیمپرنگ کے قصوروار پائے گئے تھے جس کی وجہ سے ان پر ایک برس کی پابندی عائد کی گئی تھی۔
اسمتھ نے پابندی ختم ہونے کے بعد شاندار انداز میں واپسی کرتے ہوئے ایشیز سیریز میں بہترین بلے بازی کے ذریعے اور نقادوں کا منہ بند کرنے کی کوشش کی۔
سابق آسٹریلیائی کپتان اسٹیو اسمتھ اسٹیو ہرمیسن نے کہا کہ مجھے نہیں لگتا کہ اسمتھ کے تعلق سے لوگوں کی رائے تبدیل ہو رہی ہے، دائیں ہاتھ کے اس تیز گیند باز نے کہا کہ آپ چاہیں جتنا بھی اچھا کام کرلیں لیکن اگر آپ ایک غلطی کریں تو آپ تو آپ کی شبیہ ایک غلط انسان کے طور پر بن جاتی ہے۔
انہوں نے کہا کہ اسمتھ اب جو بھی کریں لیکن یہ بات ساری زندگی ان کا پیچھا کرے گی کہ انہوں نے جنوبی افریقہ کے خلاف کیپ ٹاؤن میں ہونے والے ٹیسٹ میچ میں بال ٹیمپرنگ کی تھی جس کی وجہ سے انہیں پابندی کا سامنا کرنا پڑا تھا۔
واضح رہے کہ اسمتھ نے ایشیز سیریز میں شاندار بلے بازی کا مظاہرہ کیا ہے اور اسی کارکردگی کی بنیاد پر وہ آئی سی سی ٹیسٹ درجہ بندی میں پہلے مقام پر ہیں، اسی کے ساتھ اسمتھ رواں برس ٹیسٹ میچوں میں سب سے زیادہ رنز بنانے والے بلے باز بن گئے ہیں جبک انہوں نے محض 6 اننگز ہی کھیلی ہے۔
