سری لنکا کا پاکستان کے مختصردورے کا امکان

دوسال بعد سر ی لنکا کرکٹ ٹیم کا مختصرفارمیٹ کی سیریز کے لیے پاکستان کے دورے کا امکان روشن ہو گیا ہے۔

سری لنکا کے وزیر ہارین فرنانڈو نے کہاکہ اس وقت ہم اپنی قومی کرکٹ ٹیم کوطویل فارمیٹ کی سیریز کے لیے پاکستان بھجینے کی پوزیشن میں نہیں ہیں۔ لیکن مختصر فارمیٹ کے میچوں کے لیے سری لنکا کی ٹیم کو پاکستان بھیج سکتے ہیں۔

انہوں نے کہاکہ اس وقت پاکستان میں طویل فارمیٹ کی سیریرکھیلنا مشکل ہے مگر کرکٹ کے مختصر فارمیٹ ون ڈے اورٹی ۔20 کی سیریز کھیل سکتے ہیں۔

ہارین فرنانڈو کے مطابق کے پاکستان کے دورے کی تاریخ کا اعلان نہیں کیا جاسکتا ہے مگر اتناطے ہے کہ رواں سال کے آ خری سری لنکا کی ٹیم کرکٹ کے مختصر فارمیٹ ون ڈے اورٹی۔20 میچوں کی سیریز کھیلنے کے لیے پاکستان کا دورہ کریں گے۔

انہوں نے کہاکہ ون ڈے اور ٹی۔20 میچوں کی سیریز پاکستان میں کھیلیں گے ۔ دوٹسٹ میچوں کی سیریزکے لیے متحدہ عرب امارات چلے جائیں گے۔

پاکستان میں سکیورٹی کی صورتحال خراب ہونے کے بعد پاکستانی کرکٹ ٹیم اپنی سیریز متحدہ عرب امارات میں کھیلتے آ رہی ہے۔

واضح رہے کہ مارچ 2009 کے بعد اکتوبر2017 میں سر ی لنکا کی ٹیم پاکستان کے لاہور میں آٹھ برسوں میں پہلا ٹی۔20میچ کھیلی تھی۔

غورطلب ہے کہ مارچ2009 میں سری لنکا کی ٹیم پر دہشت گردانہ حملے کاواقعہ رونما ہوا تھاجس میں آٹھ عام شہری مارے گیے تھے جب کہ ساتھ سر ی لنکاکے کھلاڑی زخمی ہوئے تھے۔