'میں نے کوئی گناہ نہیں کیا'

عالمی کپ میں بھارت کے خلاف مقابلے کے دوران میدان پر جمائی لینے کی وجہ تنقیدوں کا شکار پاکستانی کپتان سرفراز احمد نے خاموشی توڑتے ہوئے کہا کہ جمائی لینا کوئی بری بات نہیں ہے اور میں نے کوئی گناہ نہیں کیا۔

سوشل میڈیا پر سرفراز احمد کی تیزی سے وائرل ہو رہی ہے جس میں سرفراز جمائی لیتے ہوئے نظر آ رہے ہیں اور اس تصویر پر طرح طرح کے مزاحیہ میمز بن رہے ہیں۔

گزشتہ روز جنوبی افریقہ کے خلاف میچ کے بعد پریس کانفرنس میں جب سرفراز سے جمائی لینے والی تصویر کے بارے میں پوچھا گیا تو انہوں نے کہا کہ جمائی لینا فطری بات ہے اور میں نے جمائی لے کر کوئی گناہ نہیں کیا لیکن لوگ اس پر مزاحیہ میمز بنا کر پیسے کما رہے ہیں۔

اسی کے ساتھ بھارت کے خلاف میچ میں شکست کے بعد سابق تیز گیند باز شعیب اختر نے بھی سرفراز کو بد دماغ کپتان کہتے ہوئے ان پر تنقید کی تھی۔

واضح رہے کہ عالمی کپ میں پاکستان کی کارکردگی ابھی تک غیر اطمینان بخش رہے ہے اور وہ پوائنٹس ٹیبل میں ساتویں مقام پر ہے۔