وشاکھا پٹنم: پہلے ٹیسٹ کے لیے بھارتی ٹیم کا اعلان

بھارت اور جنوبی افریقہ کے خلاف دو اکتوبر سے شروع ہونے والے پہلے ٹیسٹ کے لیے بھارتی کرکٹ ٹیم کے حتمی 11 کھلاڑیوں کا اعلان کیا گیا جس میں تجربہ کار گیند باز روی چندرن اشون اور وکٹ کیپر بلے باز ردھیمان ساہا کی واپسی ہوئی ہے۔

بھارت اور جنوبی افریقہ کے مابین ہونے والی تین ٹیسٹ میچوں کی سیریز کے پہلے ٹیسٹ میچ سے قبل بھارت کے کپتان وراٹ کوہلی نے پریس کانفرنس میں کہا کہ ٹیم میں وکٹ کیپر کے طور پر رشبھ پنت کی جگہ تجربہ کار وکٹ کیپر ردھیمان ساہا کو شامل کیا گیا ہے۔

بشکریہ ٹویٹر

وراٹ کوہلی نے کہا کہ ساہا پوری طرح سے فٹ ہیں اور وہ سیریز ہمارے ساتھ شروعات کرنے جا رہے ہیں۔

کوہلی نے مزید کہا کہ ساہا کو جب بھی موقع ملا ہے انہوں نے اپنی بہترین صلاحیت کا مظاہرہ کیا ہے، یہ بدقسمتی تھی کہ ساہا زخمی ہونے کی وجہ سے ٹیم سے باہر تھے لیکن اب وہ پوری طرح سے ٹھیک ہو گئے ہیں اور جنوبی افریقہ کے خلاف ٹیم کی نمائندگی کے لیے تیار ہیں۔

وشاکھا پٹنم میچ سے قبل پریس کانفرنس میں کوہلی نے کہا کہ روہت شرما سے متعلق کئے گئے سوال کے جواب میں کہا کہ روہت شرما کو بھی برابر کا موقع دیا جائے گا۔

بشکریہ ٹویٹر

انہوں نے کہا کہ روہت شرما سے ٹیسٹ میچوں میں اننگ کی شروعات کے لیے ہم جلد بازی نہیں کر سکتے انہیں ٹیسٹ میں اپنا فارم حاصل کرنے کا بھی موقع دیا جائے گا۔

اس کے علاوہ کوہلی نے تجربہ کار آف اسپنر روی چندرن اشون کے بارے میں واضح کیا کہ وہ بھی ٹیسٹ ٹیم میں واپسی کریں گے۔

پہلے ٹیسٹ کے لیے بھارتی ٹیم کا اعلان

واضح رہے کہ بھارت اور جنوبی افریقہ کے مابین پہلا ٹیسٹ وشاکھا پٹنم میں دو اکتوبر سے کھیلا جائے گا۔

• ٹیم اس طرح ہے:

وراٹ کوہلی(کپتان)، اجنکیا رہانے(نائب کپتان)، ردھیمان ساہا(وکٹ کیپر)، چیتشور پجارا، روہت شرما، مینک اگروال، ہنوما وہاری، رویندر جڈیجہ، روی چندرن اشون، ایشانت شرما، محمد سمیع