راولپینڈکرکٹ اسٹیڈیم میں کھیلے جارہے پہلے ٹسٹ میچ میں بابر اعظم (ناٹ آوٹ 143) اور سلامی بلے باز شان مسعود (100) کی سنچری اننگز اور اسد شفیق (60) کی نصف سنچری اننگز کی بدولت پاکستان نے بنگلہ دیش کے خلاف اپنی پوزیشن مضبوط کرلی ہے۔
دوسرے دن کے کھیل ختم ہونے تک پاکستان نے تین وکٹوں کے نقصان پر 342 رن بنا کر بنگلہ دیش پر 109 رنوں کی سبقت حاصل کرلی ۔
پاکستان کی جانب سے بابر نے 192 گیندوں میں 19 چوکے اور ایک چھکے کی مدد سے ناٹ آوٹ 143 اور مسعود نے 160 گیندوں میں 11 چوکوں کی مدد سے 100 رنز بنائے۔
اس سے قبل پاکستان کی شروعات اچھی نہیں رہی اور اس کا پہلا وکٹ عابد علی کے طور پر گرا۔
اس کے بعد اگرچہ مسعود نے کپتان اظہر علی کے ساتھ اننگز کو آگے بڑھایا اور دونوں کے درمیان 91 رنز کی شراکت ہوئی۔
اظہر نے 34 رنز بنا کر ابو جاید کا شکار ہوئے۔ بابر اور مسعود نے طوفانی بلے بازی کرتے ہوئے پاکستان کو مضبوط اسکور کی جانب گامزن کیا۔
دونوں بلے بازوں کے درمیان تیسرے وکٹ کے لئے 112 رنز کی بڑی شراکت ہوئی۔
دن کا کھیل ختم ہونے پر بابر اور شفیق کریز پر موجود ہیں۔ شفیق نے 111 گیندوں میں آٹھ چوکے کی مدد سے ناٹ آؤٹ 60 رنز بنائے۔ بنگلہ دیش کی جانب سے جاید نے 20 اوور میں 66 رن دے کر دو وکٹ اور تیجل اسلام نے 34 اوور میں 111 رن دے كر ایک وکٹ لیا۔